HENAN HERÊT

Mexrib – Fatima Adnan a li Kazablankayê li herêma senayî ya Moulay Rachîdê dijî, piştî ku 24 salan di fabrikaya tekstîlê de xebitî, ji ber endamtiya sendîkayê û beşdariya konferansa navneteweyî ji kar hat derxistin. Fatima Adnan, di konferansa ku ji aliyê Konfederasyona Senayî ya Avustralyayê ve bi beşdariya 500 sendîkavanên ji 130 welatan hat lidarxistin, serpêhatiya xwe vegot. Fatima Adnan, di konferansê de diyar kir ku ji bo rewşa jinên di bazara tekstîla cilên amade û çerm de dixebitin vebêje beşdar bûye, diyar kir ku wê xwestiye balê bikşîne ser zoriyên rojane ku jinên karker di fabrîkayan de dikşînin, mûçeyê ku dereng didin, saetên xebatê û barê wan ê di navbera kar û jiyana malê de vebêje.

‘Ez ji bo temsîlkirina jinên karker çûbûm’

Fatima Adnan diyar kir ku ji ber beşdariya konferansê ji kar hatiye avêtin û wiha wiha got: “Demak u ji konferansê vegeriyam, bi hinceta ku rêveberiyê wêneyê min dîtiye, ji aliyê karmendê îcrayê ve bangî min hat kirin. Piştî sê rojan biryara derxistina ji kar hat girtin. Ez ji bo temsîliyeta jinên karker çêbûm û armanca min tenê ew bû ku ez rastiyan vebêjim.”

Serpêhatiya Fatima Adnan tenê mijareke pîşeyî nîn e, nîşan dide ku di fabrîkayên tekstîlê ku yek ji beşên aboriyê ye û zêdetirê karkerên wan jin in, azadiya sendîkayê di çi rewşê de ye.

‘Ên ku piştgirî nîşan dan rastî tacîzê hatin’

Fatima Adnan da zanîn ku jinên karker bi mûçeyên derengmayî, pirsgirêkên ewlehiya civakî yên nehatine çareserkirin û nediyariya pêşeroja şirkete de bi gelek pirsgirêkan re rûbirû ne û wiha domand: “Şirket bi zoriyên malî yên ku dibe bibin sedema girtinê re rûbirû ye û dema ku rêveberî serî li riyên zagonî dide jî der barê mafên karkeran de daxuyaniyeke zelal nade. Hinek hempîşeyên min dema piştgiriyê nîşan dan rastî tacîzê hatin, ev yek jî nîşan dide ku şirket piştgiriya xebatkaran a ji bo hev asteng dike.”

‘Ez ê her dem mafên me biparêzim’

Fatima Adnan got ku jidarxistina kar, ji bo hemû karekeran peyamek e û wiha berdewam kir: “Ev biryar tenê ji bo min nîn e, peyamek e ji bo baroya sendîkayê, jê re dibêjin bila bedeng bimîne û pirsgirêkên jinên karker nîqaş neke.” Fatima Adnan bal kişand ku tevî ji kar hatiye derxistin jî ew ê ji bo jinên karker bibin xwedî mercên layiqê mirovan, mafên wan biparêze û got: “Derxistina min ji kar ne dawî ye. Ez ê parastina mafên jinên karker bidomînim û her dem mafên jinên karker bidomînim û ji bo karkerên ku pitşgiriyê didin min, hemû sendîkayên Rojhilata Navîn, Efrîkaya Bakur û Konfederasyona Senayiyê re spasî dikim.”

‘Em piştgiriyê didin Fatima Adnan’

Sendikaya Karkerên Cil û Çerm a girêdayî Teksîtîla Neteweyî, di daxuyaniya li ser derxistina Fatima Adnan ji kar da bi gotinên; “Em bi Fatima Adnan a kerker û endama sendîkayê ya ji kar hat derxistin re di nava piştgiriyê de ne” bal hat kişandin ku Fatima Adnan ji ber tevlî konferansa navneteweyî ya li Avustralyayê di Mijdara 2025’an de hat lidarxistin bûye û karkerên jin ên Mexirb û Efrîkaya Bakur temsîl kiriye ji kar hatiye derxistin.

‘Dive demildest Fatima Adnan vegere karê xwe’

Di berdewamiya daxuyaniya sendîkayê de wiha hat gotin: “Vê biryarê binpêkirina standardên xebatê yên navnetweyî û azadiya sendîkayê ye. Beşdariya sendîkayê ji bo tu jinek karker nabe ku bibe sedema ceza. Em bang li hemû şirketan dikin ku ji bo xebatên sendîkayî rêzê nîşan bidin. Fatima Adnan divê demildest û bê şert û merc vegere karê xwe.”

‘Pêdivî bi mekanîzmayên parastinê heye’

Li aliyê din, aktivîstên sendîkayê, bal kişandin ku ji ber tevlîbûna konferanseke navneteweyî nabe karkerek ji kar were derxistin, ev yek li pêşiya azadiya rêxistinbûnê astengiye û diyar kirin ku vê rewşê nîşan daye ku ji bo jinên kerkerên fabrîkayan pêdivî bi mekanîzmayên parastinê heye.