Mexrib – Mexrib dê di meha îlona îsal de bibe şahidê hilbijartinên nû yên qanûndanînê ku tê payîn nexşeya siyasî ya welat ji nû ve şekil bide.

‘Dengê min ji bo te ye û bicihanîna daxwazên min berpirsyariya te ye’

Komeleya Pêşbaziyê ji bo Wekhevî û Hemwelatîbûnê bang li partiyên siyasî yên Mexribê kir ku mijarên wekhevî, mafên jinan û parastina ji tundiyê, di nav de tundiya dîjîtal, bikin beşek ji pabendbûnên xwe yên hilbijartinê. Ji bo amadekariya hilbijartinên meclîsê yên ku di 23’ê Îlonê de hatine plankirin, bi riya du muzakereyên parêzvaniyê yên di bin dirûşma “Dengê min ji bo te ye û bicihanîna daxwazên min berpirsiyariya te ye” hatine pêşkêşkirin.

Komele bawer dike ku serdema hilbijartinê derfetê pêşkêş dike da ku pirsgirêkên jinan ji nû ve werin li ser bingeha nîqaşên giştî û ji dirûşmên giştî ber bi pabendbûnên siyasî yên zelal, bicîhanîn û bi pîvan ve biçin.

Tundiya li dijî jinan bi hemû cureyên xwe mijara parastinê ye

Seroka Komeleya Pêşbaziyê ji bo Wekhevî û Hemwelatîbûnê Buşra Ebdo, diyar kir ku herdu diyarde encama xebata herêmî ya ji hêla komeleyê ve hat kirin û çavdêriya wê ya li ser polîtîkayên giştî û bernameyên partiyan in, bi armanca ku pirsgirêkên wekheviyê di bernameyên hilbijartinê yên partiyên siyasî de werin entegrekirin.

Her wiha diyar kir ku mijarên wekhevî û mafên jinan çareser dike û rêzek reform û tedbîran pêşniyar dike ku armanc dikin parastina qanûnî xurt bikin û hejmarek metnên qanûnî, di nava de Qanûna Malbatê, Qanûna Ceza û Qanûna Kedê de, li gorî prensîbên wekheviyê binirxînin.

Mijara duyem li ser parastina ji tundiya dîjîtal a li dijî jin û keçan, li ber çavangirtina tiştê ku komeleyê wekî diyardeyek mezinbûyî û bandora berfireh a bandorên wê li ser jinan, nemaze çalakvanên mafên jinan, siyasetmedar, çalakvanên civakê, namzed û hilbijêran bi nav kir, sekinî.

Buşra Ebdo tekez kir ku tundiya dîjîtal êdî ne tenê berdewamiya tundiya kevneşopî ye, bûye diyardeyek ku bersivek qanûnî û sazûmanî ya pispor hewce dike û banga pejirandina stratejiyeke neteweyî ya zelal kir da ku rûbirûyê wê bibe û wê di nava pêşîniyên bernameyên hilbijartinê de entegre bike.

‘Em ê qanûnek ku bi taybetî tundiyê çareser dike derxin’

Endama Komeleya Pêşbaziyê ji bo Wekhevî û Hemwelatîbûnê Asiya Mazozî, piştrast kir ku muzakere li ser tundiya dîjîtal daxwaz dike ku qanûnek bi taybetî tundiya dîjîtal li dijî jin û keçan çareser dike, platformek neteweyî ya yekgirtî ji bo ragihandina binpêkirinan û pêşkêşkirina rêbernameyê ji kesên ku bûne armanca vê tundiyê re û avakirina çavdêriyek taybetî ji bo şopandina diyardeyê û amadekirina lêkolîn û raporên têkildarî wê.

Da zanîn ku muzakere her wiha daxwaza avakirina mekanîzmayên pispor dike û wiha got: “Ji bo piştgiriya jinên bûne hedefa tundiya dîjîtal, başkirina parastina yasayî ya nepenîtiyê û avakirina yekîneyên pispor di nava dezgehên bicîhanîna qanûnê de. Her wiha ji bo çareserkirina vî sûcê wê girîngiya tevlîkirina perwerdeya dîjîtal û ewlehiya dîjîtal di bernameyên perwerde û rahênanê de çêbibe. Bi armanca kêmkirina nexwendina dîjîtal û pêşvebirina hişmendiya bikaranîna ewle ya teknolojiyê, bi berçavgirtina ku pêşîlêgirtin beşek girîng a rûbirûbûna vê diyardeyê ye.

Pêşniyar

Pêşniyarên herî berbiçav ên di her du muzakereyan de ev in: Pejirandina nêzîkatiyek zayendî di amadekirina bîlançoyan de, berfirehkirina xizmetên lênêrîn û parastina civakî, pêşvebirina bihêzkirina aborî ya jinan. Her wiha xurtkirina beşdariya wan a jiyana siyasî û astên biryardayînê de, têkoşîna li dijî klîşeyan di gotûbêjên siyasî û hilbijartinê de. Wekî din jî avakirina hevkariyên saziyî di navbera partiyên siyasî, tevgera jinan, rêxistinên civaka sivîl û pisporan de, da ku bernameyên hilbijartinê veguherînin pabendbûnên şopîner û hesabgir.