Navenda Nûçeyan - Pevçûnên di navbera artêşa Sûdanê û Hêzên Piştgiriya Lezgîn de ji 15’ê Nîsanê ve berdewam dikin. Berdevkê Komîseriya Bilind a Penaberan a Neteweyên Yekbûyî (UNHCR) William Spindler di civîna çapemeniyê ya heftane ya Ofîsa Cenevre ya Neteweyên Yekbûyî de li ser pevçûnên li Sûdanê nirxandinan kir.

'4,3 mîlyon mirov bi darê zorê hatin koçberkirin'

William Spindler, "4,3 milyon kes ji destpêka pevçûnên li Sûdanê ve bi darê zorê ji cih û warên xwe bûne. Ev hejmar zêdetirî 900,000 penaber û penaxwazên ku çûne welatên cîran û 195,000 Sudaniyên Başûr ku neçar man vegerin Sûdana Başûr, vedihewîne. Ji wê demê û vir ve 3,2 mîlyon mirov di nav welat de ji cihên xwe bûne.”

William Spindler destnîşan kir ku ger gelê Sûdanê ji cihê ku lê ne birevin dê qelebalixa li Sûdan û welatên cîran zêde bibe û got ku ew piştgiriya xwe ya jiyanê li ku derê bigihînin didomînin.

'Ji sedî 67'ê nexweşxaneyan bê xizmetê ne'

Berdevka Rêxistina Tenduristiyê ya Cîhanê (WHO) Margaret Harris got ku pevçûnên li Sûdanê bandorên wêranker li ser jiyan û tenduristiya mirovan dike. Margaret Harris got, "Nêzî ji sedî 67 nexweşxaneyên li herêmên ku herî zêde zirar dîtine ji xizmetê derketin. WHO piştrast kir ku di van 4 mehên şer de 53 êrîşên li ser navendên tenduristiyê hatine kirin. Di van êrîşan de 11 mirin, 38 birîndar û bi deh hezaran kes mirin." gihandina xizmetên tenduristiyê hatiye qedexekirin."

Ji sedî 40 ê welat bi birçîbûnê re rû bi rû ye

William Harris bal kişand ser vê yekê ku li Sûdanê nexweşiyên wekî sorik, ta û dengoyê ku berdewam in ji ber xirabûna pergala tenduristiyê kontrolkirina wan zehmet e û destnîşan kir ku ji sedî 40 ê welêt bi birçîbûnê re rû bi rû ye.