Navenda Nûçeyan – Li Îranê 555 mamoste, ji bo desteka bi xwepêşandanên gel re daxuyaniyek hevpar weşandin, bang li hemû mamosteyên Îranê kir ku li kêleka daxwazên gel ji bo azadî, edalet û jiyanek bi rûmete daketin qadan bisekinin.

Di daxuyaniyê de hate diyarkirin ku çavkaniya hemû pirsgirêkan, rêgezên bingehîn û pergala siyasî ya Komara Îslama Îranê ye û îfade kir ku heta divê pergalê de guherînek bi kok neyê kirin, dê pirsgirêk neyên çareserkirin, her roj wê pirsgirêk kûr bibin û belav bibin.

Di daxuyaniyê de ev tişt hate gotin:

“Em mamosteyên Îranê, em di demek ku welatên me rû birûyî krîzek kronîk û berfireh deye vê daxuyaniyê di weşînin. Ev krîz tenê bi jiyana aborî re ne sînordare, hemû qadên jiyanê, rûmeta mirovahiyê, nifşên pêşerojê û mafê meyê jiyana bi rûmet dike hedef.

Di 47 salên darbes bûyî de, tevî 14 hikûmet û 12 parlemento hatin guhertin, pirsgirêkên aborî û civakî nehatin çareserkirin, berûvajî herku çû kûr bû û belav bû. Ev rewş nîşan dide ku di koka hemû pirsgirêkan de rêgez û pergala siyasî ya Komara Îslama Îranê heye. Guherîna bi kok û demokratîk, bêyî pergalek a sekûler ev pirsgirêk çareser nabin.”

‘Em ne dijminê gelin’
Mamosteyan destnîşan kir ku, tevî di civakê de nêrînên cûda yên siyasî hene, yekbûna gel û piştevanî bûye şert. Di daxuyaniyê de ev bang li hêzên ewlehiyê hate kirin: “Dev ji tepesandina xwepêşandanên gel, pêkanîna tundiyê û bi taybet kuştina sivîlên bê parastin berdin. Em ne dijminê gelin. Berpirsyartiya her kesê ya dîrokî, mirovî û etîkî, ewe ku li dijî fermanên derqanûnî û dermirovî li kêleka ya rast sekinîn û nebûna parçeyek a sûc e. Erkê we, parastina ewlehiya canî ya gel û sazûmaniyê ye, ne rejîm; ev rejîm çavkaniya hemû pirsgirêkan e.”

Herî dawî mamosteyan, bang li hemû hevpîşeyên xwe kir ku li kêleka gel bisekinin û bi rêbazên demokratîk û berpirs destek bidin. Di daxuyaniyê de, hate destnîşankirin ku berpirsyartiya taybet a mamostayan li beramberî civak û nifşên pêşerojê heye, di halê bêdengiyê de, li beramberî dîrok û civakî wê neçarî hesabdayînê bibin.