Navenda Nûçeyan – Rêxistina Navneteweyî ya Kedê ya Neteweyên Yekbûyî (ILO), di konferansê de diyar kir ku li çaraliyê cîhanê nêzîkî 138 milyon zarok dixebitin, ku 54 milyon ji wan di şert û mercên xeternak de ne.

Rêveberê Giştî yê ILO di rûniştina 114’emîn a konferansê de axivî û tekez kir ku zaroktî divê bibe serdema fêrbûn, pêşketin û lîstikê. Destnîşan kir ku bi mîlyonan zarok ji mafên bingehîn û derfetên pêşerojê yên wekhev bêpar in.

Di civînê de li ser pêkanîna "Çarçoveya Marakeshê " ya ku armanc dike jiholêrakirina keda zarokan hate sekinandin. Di vê çarçoveyê de, girîngiya gavên wekî xurtkirina qanûnên neteweyî, berfirehkirina perwerdehiya belaş, zêdekirina parastina civakî û misogerkirina şert û mercên xebatê yên baş hate destnîşankirin.

Di nîqaşan de, xizanî, krîz û pevçûn wekî sedemên sereke yên karkeriya zarokan hatin destnîşankirin. Hate tekez kirin ku ev pirsgirêk tenê bi hevkariya navneteweyî û polîtîkayên diyarkirî dikare were çareser kirin. ILO diyar kir ku pêşketinên ji sala 2000-an vir ve nîşan didin ku karkeriya zarokan dikare bi tevahî were ji holê rakirin, û ev ne "çarenûsek neçar" e, lê pirsgirêkek gerdûnî ya çareserker e.