Navenda Nûçeyan – Bi tohmetên ewlehiyê û di darizandinên bê garantiya edaletê de, rayedarên Îranê bi taybetî di mehên dawî de li zindanên curbecur darvekirinan li dijî girtiyan didomînin. Ev yek tirs û fikarên li ser jiyana girtiyên din ên ku bi xetereya darvekirinê re rûbirû ne, zêde dike.

Di 16 rojan de herî kêm 58 girtî hatine darvekirin

Navenda Mafên Mirovan a Îranê (IHRS) di rapora xwe ya ku di dawiya Tîrmehê de hat weşandin de ragihand ku rayedaran di 16 rojên borî de herî kêm 58 girtî darve kirine. Di raporê de hat destnîşankirin ku di nav wan dozan de darvekirina li ber çavan a du xortên ku ji ber beşdarbûna di xwepêşandanên Çileyê de li welêt belav bûne de, hatibûn girtin jî hebû.

Jiyana girtiyan di xetereyê de ye

Navendê piştrast kir ku darvekirin di nav tohmetên îtîrafên ku di bin îşkenceyê de hatine stendin û înkarkirina darizandinên dadperwer de pêk hatine. Her wiha hişyarî da ku jiyana 8 girtiyên din xetereyê de ye. Fikarên mafên mirovan der barê zêdebûna hejmara darvekirinan li Îranê de zêde dibin, di nav raporên darvekirinên berfireh ên bê prosedurên dadperwer de, ku fikarên cidî li ser jiyana girtiyan derdixe holê.