Navenda Nûçeyan– Rêxistina Mafêne Mirovan HRANA’yê bi raporekê ragihand ku di nava 24 saetên borî de, ji ber şerê di navbera  Îsraîl- DYE yê li dijî Îranê de, li Rojhilatê Kurdistan û Îranê 36 kes hatine kuştin.

450 êrîş pêk hatin

Li gorî rêxistina HRANA’yê, di nava 24 saetên borî de li 16 parêzgehên Rojhilatê Kurdistan û Îranê, 425 êrîş pêk hatine.

Li gorî daneyan di van êrîşan de baregehên leşkerî, baregehên muhafizên şoreşê, navendên Besîc, balafirgeha leşkerî, navendên polîsan, depoyên neftê û binesaziya Îranê bûne hedef.

36 welatî hatin kûştin

Li gorî heman raporê, di encama van êrîşan de 36 welatiyên sivîl jiyana xwe ji dest dane û 48 jî birîndar bûne.

Hate gotin ku herî zêde êrîş li ser parêzgeha Elburz, Xuzistan, Esfehan, Qezwîn û Qumê çêbûne.

254 zarok li Îranê hatin kûştin

Li gorî heman çavkaniyê, ji roja şer destpê kirî heya duh, hezar û 710 welatî hatine kûştin, di wan de jî 254 zarokên di bin temenê 18 saliyê de hene.