Navenda Nûçeyan – Bertek û daxuyaniyê derbarê mirina bi guman a Fatma Nur Çelîk û zaroka wê Hîfa Îkra ya 8 salî li navçeya Zeytînburnu ya Stenbolê, didomin.

Komeleya Têkoşîna li dijî Tundiya Zeyendî, daxuyaniyek bi sernavê ‘Bila sala weya malbatê xirab bibe, Fatma Nur û Hîfa çima nehatin parastin?’ weşand.

Bal kişandin li ser biryara nepeniyê

Komeleyê da zanîn ku biryara nepeniyê ya ji bo mirina jin û keça wê hatî dayîn dê ser rastiyan negre, daxwaz kir ku divê dosya bi awayek şefaf û çalak bê lêkolînkirin. Komeleyê da zanîn ku divê pêvajoyên têkildarî kiryar û kiryaran, bi awayek edlane û aktîv were meşandin.

Banga vegerandina Peymana Stenbolê

Di daxuyaniyê de hate destnîşankirin ku divê lêpirsînkirina mekanîzmayên pêkanîna biryara derbarê parastina zarokan, mirinên bi guman ne bi etîketa ‘întiharê’ ya medya û raya giştî, weke bûyerên ku divê were lêkolînkirin were rojevê. Her wiha di daxuyaniyê de banga lezgîn a vegera Peymana Stembolê kir. 

Komeleyê ev pirs pêşkêşî saziyên eleqeder kir:

“* Tevî gefên vekirî ên mirinê û bi caran giliyên hatin kirin, çima dozger nekete tevgerê?

* Dozgerên ku hatine tayînkirin çima ji erk hatin girtin?

* Çima bi lezgîn razandina zaroka ku bi mehane xwarin nexwarî û av venexwarî ya nexweşaneyê nehate kirin.

* Diviya bu dayîk di wexta wê de bihata parastin, ji bo girtina dozê çima rastî zextê hat?

* Serlêdanên ku hatine kirin, çima bi awayek çalak nehate lêkolînkirin?

*Çima parastin nehate pêkanîn?”