Enqere-Parastvan û xizmên parlamenterê AKP’ê yê berê Îbrahîm Halîl Yildiz di 14’ê Hezîrana 2018’an de li navçeya Pirsûs a Rihayê êrişî dikana malbata Şenyaşar kir. Di êrişê de hevjîn û du kurên Emîne Şenyaşar hatibûn qetikirin. Emîne Şenyaşar û kurê wê Parlamenterê Partiya Demokratîk a Gelan (DEM Partî) yê Rihayê Ferît Şenyaşar ku ji êrişê bi birîndarî xelas bûbû, Nobeta Edaletê veguhestibûn pêşiya Wezareta Dadê. Nobet, di roja 66’an de berdewam dike.

Emîne Şenyaşar pankarta bi nivîsa "Têkoşîna me ya edaletê ya li ber Wezareta Dadê ya li dijî hiqûqa serdestan di roja 66'an de berdewam dike" hilgirt. Parêzerên Komeleya Hiqûqnasên Azadîxwaz (OHD) û endamên Komeleya Mafên Mirovan (ÎHD) û welatiyan Emîne Şenyaşar ziyaret dikirin. Di dema ku çapemenî ku xwest wêneyê Şenyaşar û ziyaretvanên wê bikişîne hatin astengkirin. 

ji polîsan re da zanîn ku li kîlometreyekê ji Meclîsê xwepêşandan û çalakî û kişandina wêneyan û parvekirina wan qedexe ye Ferît Şenyaşar jî berda û got ku çalakiya li vir hatiye kirin ji aliyê Wezareta Edaletê ve tê zanîn û nikare bê astengkirin.

Ferît Şenyaşar ji bo polîsên ku gotin ev çalakî ne li gorî hiqûqê ye jî wiha got: “Eger qanûn bihatana pêkanîn em îro ne li vir bûn.

Li ser bertekan Emîne Şenyaşar li ber wezaretê rojiya xwe girt û çû Meclîsê.