Navenda Nûçeyan – Binesaziya nebaş li Kongoyê dibe sedema belavbûna vîrusa Ebolayê. Nebûna tesîsên tenduristiyê astengiya hewldanên bersiva bilez dike, xetereyên ji bo civakên herêmî li deverên bandordar zêde dike û îhtîmala belavbûna li welatên cîran xurt dike.

Hejmara bûyerên gumanbar 671 e

Belavbûna Ebolayê li rojhilatê Komara Demokratîk a Kongoyê berdewam dike. Li gorî daneyên fermî yên ku îro ji hêla Wezareta Tenduristiyê ve hatine weşandin, hejmara bûyerên gumanbar gihîştiye 671’an. Di nav wan de 64 bûyerên laboratûvarê hatine piştrastkirin û 160 mirin hene; 6 ji mirinan di laboratûarê de hatine piştrastkirin.

Wezaretê diyar kir ku dibe ku hejmarên rastîn ji ber tengasiyên ragihandinê û pergalên şopandina belavbûnê yên qels bilindtir bin. Ev belavbûn niha li bajarê Ituriya li bakur-rojhilatê welêt, nêzîkî sînorê bi Uganda û Sûdana Başûr re, kom bûye. Ev 17’emîn belavbûna Ebolayê ye li Kongoyê ji dema ku vîrus cara yekem di sala 1976’an de hate tespîtkirin.

Tê gotin ku belavbûn ji ber cureya kêm "Bundibugyo" çêdibe, ji ber ku ku niha ji bo wê tu dermankirinek pejirandî tuneye. Ev yek hewldanên ji bo kontrolkirina belavbûnê bêtir tevlihev dike û fikarên navneteweyî zêde dike.

Rêxistina Tenduristiyê ya Cîhanê hişyarî da

Rêxistina Tenduristiyê ya Cîhanê hişyarî da ku hejmara zêde ya derbasbûnên sînor û binesaziya tenduristiyê ya qels, li deverên bandorbûyî dikare bibe sedema belavbûna nexweşiyê ya li welatên cîran û tekez kir ku xetera belavbûna herêmî hîn jî bilind e.

Li Ugandayê, rayedarên tenduristiyê ragihandin ku piştî bûyerên ku di du welatiyên Kongoyê de hatine tespîtkirin, ti enfeksiyonên nû nehatine tomarkirin. Yek ji van kesan mir, lê testa yê din ji bo cara duyemîn li pey hev neyînî derket.

Ev pêşketin bi daxuyaniya WHO ya rewşa awarte ya tenduristiya giştî ya navneteweyî re hemwext e. Ev gav armanc dike ku hevrêziya navneteweyî xurt bike û piştgiriyê li ser erdê zêde bike da ku belavbûna vîrusê sînordar bike.