Navenda Nûçeyan – Derhênera şanoyê ya Îranî Parî Saberî di 10’ê Îlonê de di 92 saliya xwe de jiyana xwe ji dest da. Parî Saberî di sala 1932’yan de li bajarê Kirman a Îranê jidayîk bû. Di 12 saliya xwe de malbata wê ji bo domandina perwerdeyê wê şand Parîsê. Ji Koleja Sînematografî ya Vaugirard a li Fransayê derçû.

Parî Saberî Koma Şanoyê ya Pazargad û Salona Molavî ya Tahranê damezrand. Di sala 2004’an de Nîşana Rûmetê ya Fransî wergirt. Rustem û Sohrab jî di nav de gelek lîstokên xwe dispêrin wêjeya klasîk a Farsî lîst. Hin lîstokên wê Şemsa Difire û Efsaneya Sîvaşê ye.  

Di heman demê de Parî Saberî gelek pirtûkan nivîsand û wergerand. Parî Saberî yek ji derhênerên Îranî ye ku herî zêde xelatan wergirtiye. Parî Saberî li gel Xelata Îbnî Sîna ya UNICEF’ê ku di sala 2003’an de wergirt û Nîşana Wêje û Hunerê ya Fransî ku di sala 2004’an de wergirt bû xwedî gelek xelatan.