Navenda Nûçeyan – Çeteleya tundiyê ya meha Sibatê ku JINNEWS ji nûçeyên di çapemeniyê de hatine weşandin hatine berhevkirin, aliyê tundiya mêr carek din nîşan da. Di mehekê de herî kêm 24 jin û 2 zarok hatine qetilkirin; 21 jin û 6 zarok jî biguman jiyana xwe ji dest dane.

Ji ber dewlet daneyek zelal a der barê qetilkirinên jinan de parve nake, hejmara rast a qetilkirina jinan dibe ku zêdetir be. Tê zanîn ku gelek bûyerên di çapemeniyê de nayên dîtin jî hene. Beşek mezin a jinan ji aliyê mêrên herî nêzî xwe ve tên qetilkirin. Di pêvajoyên darazê de jî polîtîkayên bêcezahiştinê, daxistina cezayan tundiya mêr girantir dike. Tevî vê jin li salonên dadgehan, kolanan têkoşîna edalet û maf dimeşînin.

Piranî gumanbar yên herî nêz in

Jin dîsa ji aliyê mêrên herî nêzî xwe ve hatin qetilkirin. 9 jin ji aliyê mêrê pê re zewicandî ve, 4 jin ji aliyê mêrê pê re di asta destberdanê de, 2 jin ji aliyê mêrên dest jê berdane, jinek ji aliyê kurê xwe ve, 4 jin ji aliyê mêrên nas dikin, jinek ji aliyê mêrê pê re dijiya, 3 jin ji aliyê kesên nasnameya wan nehat diyar ve hat qetilkirin.

Li gorî bajaran dane wihane

Li Aydinê 1, li Muglayê 1, li Edeneyê 1, li Sakaryayê 2, li Enqereyê 3, li Mereşê 1, li Manîsayê 1, li Aksarayê 2, li Osmaniyê 1, li Stenbolê 3, li Wanê 1, li Antalyayê 2, li Hatayê 1, li Dîlokê 1, li Eskîşehîrê 1, li Kocaeliyê 1 û Samsunê 1 jinek hat qetilkirin.