Şengal – Bi pêşengiya Tevgera Azadiya Jinên Êzidî (TAJÊ) 4’ê Nîsanê rojbûna Rêberê Gelê Kurd Abdullah Ocalan bi şahiyeke li Geliyê Kersê li Baxçê Rêber Apo bi dirûşma ‘Rojbûna Rêber Apo nûvejîna me ye’ hat pîrozkirin.

Cihê şahiyê ku bi sedan kes tevlibû, bi wêneyên Ocalan hatin xwemilandin û bênavber dirûşma ‘Bijî Serok Apo’ û ‘Rojbûna te pîrozbe ey Serok Apo’ hat avêtin. Beriya destpêkirina şahiyê nirxandina Ocalan a li ser civaka êzidî hat temaşekirin û guhdarkirin.

Piştre axaftina vekirina şahiyê li ser navê Koordînasyona TAJÊ ji aliyê Sûham Şengalî ve hat kirin.

‘Rojbûna Rêber Apo rojbûna hemû jin û civakên azadixwaz e’

Di destpêka axaftina xwe de Sûham Şengalî 4’ê Nîsanê li Ocalan û hemû cîhanê pîroz kir û ev tişt anî ziman: “Em ji çiyayên Şengalê wek jinên Êzidî û civaka Êzidî rojbûna Rêber Apo pîroz dikin û ji vir heta Îmraliyê silavên xwe ji Rêber Apo re dişînin. Em rojbûna Rêber Apo wek rojbûna kesekî nagirin nagirin dest em wek roja vejînê digirin dest û wisa vê rojê pîroz dikin. Rojbûna Rêber Apo rojbûna hemû jin û civakên azadixwaz e. Rêber Apo hemû emrê xwe da azadiya civakên bindest. Di 27’ê Sibatê de Rêber Apo bi banga dîrokî xwest pirsgirêkên heyî ji zemînin şer derbasî derbasî zemîna aştiyê bike û ji bo vê bi salan kar û xebat kir. Ev bang bû deriyeke nû. Lê heta niha heta ji aliyê dewleta tirk ve gavek nehatiye avêtin. Divê hemû jin û civakên bindest ji bo xurtkirina destê Rêber Apo çi ji destê wan tê bikin.”

‘Em ê bi xurtî xebatên xwe bimeşînin’

Sûham Şengalî bal kişand ser peyam Ocalan a ji civaka êzidî re şandibû û ev nirxandin kir: “Rêber apo ji bo parastina bawerî û çanda êzidiyatiyê peyam ji me re şand. Rêber Apo ji bo ev çand were parastin her bang kir û di peyama herî dawî jî ji me re got ku azadiya xwe bikin garantiyê. Ji hêla din ve roja hatina peyama Rêber Apo artêşa Iraqê êrişî şervanên YBŞ’ê kir. Ev planeke qirkirina civaka êzidî ye. Rêber Apo ji me êzidiyan berxwedan û rêxistinkirinê dixwaze. Heta dawiyê em ê bi fikrên Rêber Apo xwe hîn birêxistin bikin û ji bo xurtkirina destê Rêbe Apo em ê kar û xebat bimeşînin. Azadiya Rêber Apo azadiya jinan e, azadiya Rêber Apo azadiya civakên bidest e. Ji bo azadiya fîzîkî ya Rêber Apo çi ji me were xwestin em ê bikin. Dubare em 4’ê Nîsanê roja vejînê li hemû jinan û hemû civakên bindest pîroz dikin.”

Piştî axaftinê Koma Dîlanê ya Stiya Nexşa, Koma Zarokan a Şengalê, Dengbêjî, Koma Bêrîvan a Stiya Nexşa, Koma Çiyayê Şengalê û Koma Penaber a Mexmûrê ku wek mêvan ji Wargeha Şehîd Rûstem Cudî hatibûn şahiya 4’ê Nîsanê, derketin serdikê û bi stran û dîlanên xwe gel coşandin.

Şahiya 4’ê Nîsanê bi govend, stran û dirûşmeyan bi dawî bû.