RENEM EL EHMED

Tebqa – Komîteya Aboriyê ya Buroya Civaka Jinan a Zenûbiya ku di sala 2021’ê de li Bakur û Rojhilatê Sûriyeyê hat avakirin, bi armanca avakirina sîstemeke aborî ya serbixwe ji hemû jinên herêmê re xebatên xwe didomîne. Di vê çarçoveyê de komîteya ku îmze avêtiye bin gelek projeyan, bi pêkanîna projeya nanpêjxaneyê ya bi navê “Afiya û Awafî” re aboriya jinan li herêmê geş bike.

'Em ê gelek projeyan pêk bînin'

Rêvebera Komîteya Aborî ya Buroya Civaka Jinan a Zenûbiyayê Xaliya El-Mihemmed têkildarî projeyê axivî û got: "Me gelek projeyên aborî yên weke projeya mala kerpîçan, dikana nan û nan ji bo piştgiriya jinan pêk anîn. Tevî şert û mercên zehmet ên jiyanê yên li herêmê, projeya nanpêjxaneya 'Afiya û Awafî' ya ji bo jinan hat destpêkirin. Me xwest barê jinan hinekî siviktir bibe. Em dixwazin di pêşerojê de ji bo piştgiriya jinan gelek projeyan pêk bînin."

'Jin dikarin di her qadê de bixebitin'

Ghalia El-Mohammed, anî ziman ku armanca sereke ya vê projeyê peydakirina derfetên kar ji jinan re ye û got: "Jiyana jinan bi çar dîwaran re sînordar namîne. Divê rolên civakî yên ji jinan re hatine dayîn biguherin. Jin dikarin di her qadê de bixebitin, aborî û serxwebûna xwe bi dest bixin. Divê jin di hemû qadên jiyanê de cih bigrin. Tê dîtin ku jin di van qadan de jî gelek serkeftî ne. Em bi van projeyan armanc dikin ku jinan tevlî jiyana xebatê bikin."

'Gelek jin beşdarî projeyê bûn'

Hana El-Hesen a ku di projeya nanpêjxaneya "Afiya û Awafî" de dixebite diyar kir ku ew di firinê de pij û nan çêdike û got: "Em aboriya xwe xurt dikin. Hevîrê ku em çêdikin ji aliyê biha û kalîteyê ve bi yên li bazarê re hevrikiyê dikin û me dît ku gelek jin beşdarî vê projeyê bûne. Em dixwazin vê projeyê berfireh bikin û jinên ku di şert û mercên giran ên aborî de dijîn li vir bi kar bînin.”