MIHRÎBAN SELAM KAKAYÎ

Helepçe- Heftiya bazara Kurdistanê ji aliyê Kêlgeya Kurdistanê ve li Helepçe her sal tê vekirin û di vê bazarê de gelek cûrên şinatiyan, fêkiyên xwemalî, kar destî, şîrînî û berhemên Hewreman têde tê pêşandin. Her sal gelek kes ji cihên cûr be cûr tên serdana vê bazarê dikin.

“Bi şîrînî û karê destê xwe bejdar bûme”

Yek ji bejdaran ku ji Hewreman bejdarî heftiya bazarê bûye Şehên Abdurehman şîrîniyên xwe yên tamxweş pêşan dide wiha got: “Eve dû sale ez bejdarî heftiya bazarê dibim. Ew berhemên ku min çêkirine berhemên karê dest û şîrîniye, ji pêncşemê heta roja Înê ji sibehê li vêderê dimînim heta êvarê.”

Sara Sadiq a ji Suwêd hatiye Başûrê Kurdistanê û serdana heftiya bazarê kir jî got: “Eve cara yekeme ez serdana heftiya bazarê dikim, berhemên nû û xwezayî wisan dikin ku ev berhem hîn zêdetir bikirin û bibim ji derve.”

Tirîfe Abdul a her sal serdana heftiya bazarê dike wiha behsa serdana xwe kir û got: “Hertim ez serdana heftiya bazarê dikim vekirina heftiya bazaran yên berhemên xwe malî û nû bawerî dide hemwelatiyan û hemwelatî gelek sûdê ji digrin.”

Di heftiya bazara Kêlgeya Kurdistanê li Helepçe berhemên xwe malî û nû têde peyda dibe û her hefte roja Pêncşem û Înê ji bo hemwelatiyan vekiriye.