SÎLVA EL-ÎBRAÎM

Minbic – Paradîgmaya modernîteya demokratîk a Rêberê Gelê Kurd Abdullah Ocalan, aboriya civakî ku civak ji bo xwe têra xwe bike weke alternatîfa aboriya kapîtalîst pêşniyar dike. Kapîtalîzm bi cezakirina mirovan û çêkirina şer û qeyranên aborî armanc dike ku qezenca herî bilind bi dest bixe.

Li Bakur û Rojhilatê Sûriyê bingehê aboriya civakî ye ku civak bikaribe pêdiviya xwe tê de peyda bike. Bi aboriya ku bi piranî bi kooperatîfan tê organîzekirin, rêyek xweser a ku ne girêdayî çavkaniyên derve ye tê şopandin.

Hevseroka Buroya Kooperatîfan a Komîteya Aboriya Civakî ya Kantona Minbicê ya Bakur û Rojhilatê Sûriyeyê Cîhan Alo xebatên wan nirxand. 

Cîhan Alû diyar kir ku kapîtalîzm, aborî nîn e, dijberî wê dijminê aboriyê ye û got ku kapîtalîzm bihayên bazaran kontrol dike, yekdestdariyê ava dike û hewl dide berjewendiyan bi dest bixe. Cîhan Alû got ku ev pergal ne ya karkeran a xwediyên razemeniyan e, xwe dispêre berjewendiyên şexsî. Her wiha diyar kir ku kapîtalîzm, bi krîzên aborî û xizaniyê berê civakê de madiyatperestiyê.

Prensîbên xebata aboriya civakî

Cîhan Alû, modela aboriya civakî ya neteweya demokratîk weke; hevkariya aborî ya li ser bingeha edalet û wekheviyê hilberînê dike pênase kir û got ku ev model di nava xwe de azadiya jinan dihewîne û xwedî armanca parastina hawirdorê ye. Cîhan Alû got: “Dahata ji aboriyê bi awayê adil parve dike û piştgirî dide ku jin di hemû waran de bi awayê herî çalak bixebitin. Aboriya civakî, di bingehê de xwe dispêre xebata hevpar a mirovan û ji bo pêşerojê li ser riyên debarê planan çêdike.”

Rol û serkeftinên koperatîfan

Cîha Alû, diyar kir ku koperatîf, bingeha aboriya civakî ya bi rêbazên demokratîk hatiye avakirin e, teşwîqê hilberîna ku zirarê nade derdor û xwezayê dike, piştgiriyê dide qadên weke perwerde, tendirustî û parastinê. Her wiha diyar kir ku di koperatîfan de li cihê belavkirina mehaneyan, li gorî rêjeya hilberînê û dahata mehane parvekirin çêdibe û got: “Di navbera projeyên mînak de; 146 firinên nan, aşeke ku 90 beşdarên wê hene, dermanxaneya çandiniyê ya 60 beşdarên wê hene, depoyeke xurekê ya 24 beşdarên wê hene û projeyên weke xwdîkirina mirîşkan, ajalkarî, hilberîna alif hene. Di navbera planên me yên ji bo pêşerojê de jî koperatîfa malzemeyên avahiyan, cihê şûştina wesayîdan û dermanxaneya veterîner heye.”

Aboriya civakî alternatîfa li dijî kapîtalîzmê ye

Cîhan Alû, bal kişand ku aboriya civakî ya xwe dispêre koperatîfan, dawî li aboriya kapîtalîst aniye û ketiye pêşiya wê û wiha bi dawî kir: “Ev modela aborî, derfet dide ku civak bi xwe aboriya xwe bi rêve bibe û bi saya vê yekê têrkirina xwe tê armanckirin. Aboriya civakî, yek ji rêbazên pejirandina modela neteweya demokratîk a li Bakur Rojhiltê Sûriyeyê ye.”