Mugla - Xwendekara zanîngehê Pinar Gultekîn 16’ê Tîrmeha 2020’an li Mûglayê ji aliyê Cemal Metîn Avci ve hatibû qetilkirin. Dadgeha herêmî biryar dabû ku têkildarî doza Pinar Gultekîn cihê darizandina dê, bav û şirîkê Cemal Avci nîne. Dadgeha Bilind ev biryara dadgeha herêmî xera kir. 

Parêzerê malbata Gultekîn, Rêzan Epozdemîr li dijî biryara dadgeha herêmî bi daxwaznameyeke ji 9 xalan pêk dihat serî li Wezareta Dadê da. Dadgeha Bilind, daxwaznameya parêzer Epozdemîr nirxand û biryara dadgeha herêmî ya derbarê malbata Cemal Metîn Avci yê Pinar Gultekîn qetil kiribû ya “Cihê ku malbata faîl were darizandin nîne” xera kir. 

Di daxwaznameyê de ev tişt hene: “Me di destpêka lêpirsînê heta niha difikirîn ku ev cînayet tena serê xwe nehatiye kirin û delîl tena serê xwe ji holê nayê rakirin. Ligel vê jî derbarê Selîm Avci, Ayten Avci û Şukru Gokhan Orhan de biryara “cihê darizandina wan nîne” hat dayîn. Me jî serî li Dadgeha Bilind da û îtîraza me hat qebûlkirin. Ligel vê biryarê wê derbarê dê, bav û hevkarê bersûc de îdianame were amadekirin û pêvajoya hiqûqî dest pê bike.”