Stenbol - Li ber Girtîgeha Jinan a Bakirkoya Stenbolê 11 Dayikên Aştiyê û rojnameger Îrfan Tuncçelîk û Umît Turhan ên ku daxuyanî dişopandin, ji bo piştgiriya greva birçîbûnê ya bi pêşengiya Leyla Guven li girtîgehan hatibû destpêkirin, xwestibûn daxuyaniyê bidin. Hevseroka Giştî ya KCD’ê Leyla Guven a di salên 2018-2019’an de dest bi greva birçîbûnê kir û dûre Dayikên Aştiyê yên ku zarokên wan jî beşdar bûn doz hatibû vekirin. Yekemîn rûniştina doza der barê Coşkun de bi îdiaya “alîkariya rêxistinê kiriye” li 23’emîn Dadgeha Cezayê Giran a Stenbolê hat vekirin. Dayikên Aştiyê, rojnameger û parêzerên ku li salona dadgehê hatin darizandin amade bûn. Parlamentera Partiya Demokratîk a Gelan (HDP) ya Stenbolê Zuleyha Gulum jî ji bo piştgiriyê bide dayikan beşdarî danişînê bû.

“Ji ber ku em dayikên aştiyê ne me xwest em daxuyaniyê bidin”

Dayikên Aştiyê yên di rûniştinê de axivîn diyar kirin ku ji bo piştgiriyê bidin xizmên xwe yên greva birçîbûnê û Leyla Guven û ji ber ku ew alîgirên aştiyê ne, xwestine daxuyaniyê bidin. Dayikên Aştiyê diyar kirin ku beriya li dijî vê yekê derbikevin ji aliyê polîsan ve hatine binçavkirin. Dema heyeta dadgehê pirsa; ka hûn dixwazin beşdarî danişîna din bibin yan na, kir dayikan diyar kirin ku ew naxwazin beşdarî rûniştina din bibin.

Roja bûyerê nehat bîra polîsan!

Parêzeran di parastina xwe de diyar kirin ku Dayikên Aştiyê ji ber binpêkirinên mafan ên wê demê yên li girtîgehê daxuyanî dane û ji ber vê yekê yên ku ew binçav kirine sûc kirine Dayikên Aştiyê. Şahidên ku paşê axivîn jî îdia kirin ku roja bûyerê nayê bîra wan.

Rûniştin hat taloqkirin

Herî dawî heyeta dadgehê biryara rakirina qedexeya derketina derve ya parêzvanan û lêkolîna dîmenên kameraya roja bûyerê da û danişîn taloqî 28'ê Hezîranê kir.