Hezkirina wê ya xwezayê hişt ku ew zindiyên nû keşif bike
Wênekêşa xwezayê Thara Al-Şamari dema ku li derdora bendava Al-Sahva ya bajarê Sûweydayê wêne dikişand karî wêneyê zindiya ‘canberiya sermezin’ ya ku bi kêmanî tê dîtin bikşîne.
![](https://jinhaagency1.com/uploads/ku/articles/2024/07/20240724-20240724-20240724-almadt-jpg6757ba-image-jpg642f30-image-jpgf9ba26-image.jpg)
ROCHELLE JUNIOR
Sûweyda – Wênekêşa xwezayê Thara Al-Şamari dema ku li derdora bendava Al-Sahva ya bajarê Sûweydayê wêne dikişand karî wêneyê zindiya ‘canberiya sermezin’ ya ku bi kêmanî tê dîtin bikşîne.
Thara Al-Şamarî ya ku ji bo lêkolîna wêneyan wan ji pisporan re şandiye anî ziman ku pisporan jê re gotine wêneya ku kişandiye ya yek ji zindiyên herî kevin e ku jê re tê gotin ‘karîdesa kermasî’. Thara Al-Şamarî wiha qala dîtina xwe ya cûreyê karîdesê dike:
“Li Bendava Sahvayê min ferq kir ku şilubûnek timî heye û sedeva vê şilûbûnê organizmayên biçûk e ku di nav heriyê de hêlîn çêdikin. Ez fêr bûm ku hêkê kermasî li hemberî germa zêde û kêm û li hemberî hişkesaliyê berxwedanekê mezin nîşan dide, hêk gelek biçûk e û tenê dema ku di nav avê de derfetên guncav tê avakirin piştî du salan hêka xwe dişkîne. Hêkên wê sor û biçûk e. Dema ji hêkê derdikevin qalikekî şefaf derdikeve holê, di nav de zindiyek biçûk a rengê sor ê vediguhere kesk tê dîtin. Çend ling derdikevin holê ji vê re tê gotin fosîl. Sê çavên wê hene û rengê keskê zeytûnê digire.”
Thara Al-Şamarî da zanîn ku canberiya sremezin 5 cm dirêj e û xwedî gewdeyek rast e, her wiha got ku qalikekî bronzî, dûvekî ku nîvî zêdetir laşê wê dorpêç dike û li ser zikê wê dû mûyê dirêj hene.