Navenda Nûçeyan – Li navçeya Farqîn a Amedê, li gel hatina werza biharê, şahiya Serhivde ya ku bûye kevneşopî dest pê kir. Ev pîrozbahiyên ku sedsalane têne pîrozkirin, sembola ji nûve hişyarbûna xwezayê û bereketê ye û bîra çandî ya herêmê jî zindî dihêle.

Şahiyên ku her sal di sê rojên dawî yên meha Adarê de tên lidarxistin, îsal jî bi beşdariyek zêde dest pê kir. Şahiya ku bi hevkariya Şaredariya Bajarê Mezin a Amedê û Şaredariya Farqînê hat lidarxistin de, hejmarek zêde welatî beşdar bûn. Di standên hatine avakirin de, tiştên cûda pêşkêşî serdanvanan tê kirin.

Dengbêj li ser dikê ne
  

Di roja yekem a şahiyê de dîwana dengbêjiyê hate avakirin. Dengbêjên ku hilgirên çanda gotinê ne, bi dengbêjiyên xwe têkiliya di nava îro û berê de ava kirin. Stranên dengbêjî ji aliyê beşdarvanan ve bi eleqeyek mezin hatin pejirandin.

Pêşbaziya hespan hate lidarxistin

Di çarçoveya şahiyê de, di heman rojê de pêşbaziya hespan hate lidarxistin. Pêşbaziya ku wek taybetmendiya têkiliya bi xwezayê re tê nirxandin de, xelat ji beşdarvanê ku bûye yekemîn re hat dayîn.

Bîra çandî ji nû ve zindî dike

Şahiyên Serhivde, tenê ji pîrozkirina biharê wêdetir in; wek şahiyek ku yekbûna civakî û domandina çandê bihêz dike derdikeve pêş. Kevneşopiyên ku ji berê heta îro tên, bi van cûr organîzasyonan re têne veguhastin nifşên nû.

Şahî dê sê rojan bi çalakiyên cûda bidome.