ASMAA FATHÎ

Qahîre- Gelek qeyranên mezin ên ku em dem bi dem tê re derbas dibin, zehmet e ku bi gotinan werin vegotin lê Komeleya Hiqûqnasên Jinên Misirê ji bo Mafên Jinan nêrînek wan a cuda hebû ku pir alîkar bû ku rastiyê bi bîr bixin û rayedaran ji mezinahî û dijwariyê pirsgirêkên civakê agahdar bikin, bi taybetî yên ku bandorê li ser malbatên Misrê dikin û mafên jinan bi awayekî hêsan winda dikin.

"Cîran bi rengan"

Pir xweş e ku mirov karekî hunerî ku ji nav rastiyê derkeve bibîne. Ev yek di şanoya "Cîran bi Rengan" de heye ku xwe dispêre lîstikvanên ji rastiya civakê yên ku ji bo lîstikê hatine perwerdekirin û pirsgirêkên xwe bi xwe tînin ziman.

Şano bi sê krîzên civakê ve girêdayî ye,ku ew jî ev in: Zewaca di temenê biçûk de, bandora malperên tora civakî li ser malbatê û stranên gelêrî û bandora wan li ser reftarên ciwanan, nemaze li gorî nêrîna wan li ser jinan û danûstendinên wan ên rojane û tawanên ku bi riya wan tên kirin bêyî ku haya wergiran hebe.

Şano bi xuyabûna Bab Noyl dest pê dike ku sempatiya keçikeke biçûk a sêwî dike ku dixwest bi wê re be. Ji ber vê yekê jî hebûn û gera wî ya bi wê re li komek taxan dest pê kir ku pirsgirêk û dozên ku gel û ciwan li kolanan dikin nîşanî wê bide û şîretan ji wê û temaşevanan re pêşkêş bike. Di hewldanek ji bo ronîkirina wan pirsgirêk û dozên ku pir caran diqewimin de ji bo ku temaşevanan ji kirina wan dûr bixe bi pêşkêşkirina alternatîfên ewledar.

Şano hewldanek e ku pirsgirêkan bi awayekî xweş û balkêş pêşkêş dike

 Wê dît ku gelek temaşevanên şanoyê hebûne, çi di warê beşdarbûna li Bajarê Nû ya Oktoberê de, çi jî di warê danûstendina rayedaran de, tevî hewaya xirab. Di heman demê de wê beşdarbûn zêde kir, ji ber vê yekê em dibînin ku bav û dayik performans dikin û her wiha hin malbatên rastîn hene ku bi hin rolan rabûn, di gel çalakbûna tamaşevanan ku teqez kir ev tecrube hêjayî fikirînê û belavbûnê ye. Wê diyar kir ku pêşkêşî balkêş bû û wan roja 6’ê Çileyê, sertîfîkayên pesindayînê li nişteciyên bajêr belav kirine ji bo ku beşdarî xebatê bûne. Beşdaran pesnê beşdariya civakê û çîrokên rastîn ên ku dê beşdarî guhertina çanda xelkê bajêr û dîtina pirsgirêkên wan bibin û şiyana wan a biryargirtinê û guhertina wan ramanan zêde bike kirin.

Hincetên ku bav di pêşniyara zewaca biçûkan de nîşan dane

Ehmed Mexlûf Ehmed ji bo ku keça xwe ya biçûk bizewicîne gelek hincet nîşan dan, ji ber ku ew dibîne ev yek vedigere adet û kevneşopiyên civakê û çarenûsa keçikê "Mala hevserê wê ye" û divê bi lez û bez keçikê dizewicîne. Ew dibîne ku cudahiya temenî di wê hevkêşeyê de tu qîmeta xwe nîn e û ji bo hilbijartina mêrê guncew mijar vedigere gel wî. Keça wî bi rastî jî bi rola hevjîna di temenê biçûk de radibe.

Hêjayî gotinê ye ku mijarên di xebata şanoyê de hatine behskirin, ji aliyê temaşevanan ve hatine ecibandin û pîrozkirin lê wan jî daxwaz kir ku di pêşerojê de beşdarî xebatên bi vî rengî bibin, di hewldaneke ku hişmendiyê bi pêş bixin û jîngeh û civakek saxlem ku tê de dayik û bav zarokên xwe biparêzin ava bikin.