بەرچەم جودی

کۆبانێ -  هەر گوندێک مێژوو و چیرۆک و ئەزموونێکی جیاوازی هەیە هەموو گوندێک چیرۆکێک لە دڵیدا هەیە کە کلتور و بەرخۆدانی دروست کردووە، لەسەر کانییەکانی  بەهەزاران کەس و لەدڵی ئەو کەسانەدا هیوایان بەرزکردۆتەوە یەکێک لەو گوندە دێرینانە گوندی تل غەزاڵی کۆبانییە، یەکێک لە گەورە گوندنشینەکانی کۆبانێی و بە شارۆچکە ناسراوە و دەکەوێتە ١٣ کیلۆمەتری باشوور و ڕۆژهەڵاتی کۆبانێ.

 

گوندێکی مێژوویی و مێژووی گوندێک

مێژووی گوندەکە بە هەزاران ساڵ دەگەڕێتەوە و ئاماژەکانی ئەمە ڕوونن، ناوی گوندەکە لە وشەی مامیز وەرگیراوە، بە پێی زاراوەی کۆبانێ، مامیز ناوی جۆرێکە لە گەنجینە کە لە بەردەم کانی ئاوی گردەکەیە، هەر لەسەر ئەم بنەمایە گوندنشینەکان ناویان نا گوندی گردی مامیز ، بەڵام بەتێپەڕبوونی کات بوو بە گردی غەزاڵ و بە فەرمانی ڕژێمی سوریا لە کوردییەوە گۆڕا بۆ عەرەبی و بووە تل غەزاڵ.

 

گردی گوندەکە زۆر دێرینە، دانیشتوان دەڵێن هەزاران شوێنەوار و پارچەی زێڕین و ئێسکی ئاژەڵی تێدا دۆزراونەتەوە.

 

بەرگریکردن لەکەلتووری کۆن

ئەو گوندە لە ڕووی کلتوری و نەریتییەوە ڕەسەنە و گوندنشینەکان بە شێوەیەکی باش پارێزگاریان لەم کارە کردووە، دانیشتوانی گوندەکە لە هۆزی کێتکانن و بۆ دوو بەشی ئەلمەدان و فەهی دابەش کراون، لە گوندەکەدا زیاتر لە ٤٠٠ خانوو هەیە و بەهۆی بارودۆخی شەڕەوە چەندین خێزان لە دەرەوەی وڵات دەژین دانیشتوانی گوندەکە بە میوانداری و دڵفراوانی و کلتوری ڕەسەنی خۆیان ناسراون، . هەروەها لە شایی و شیندا کۆدەبنەوە و هەستەکانیان پێکەوە هاوبەش دەکەن ئەو گوندە دەوڵەمەندە بە کشتوکاڵ و ئاوەڕۆ گەنم و جۆ و نیسک و نۆدێل دەچێنن، داری میوەی جۆراوجۆر هەیە، هەروەها زەیتون و فستق هەیە.

 

دانیشتوانی ئەم گوندە دێرینە کلتوری خۆیان دەپارێزن جل و بەرگی خۆیان هەیەو زمانی خۆیان و مێژووی کۆنی خۆیان دەپارێزن.

 

هەلۆ حەج عەلی عەباسۆک، تەمەنی ٨٦ ساڵە، باس لە گوندی گردی خەزەڵ دەکات و دەڵێت: "ئەوەندەی لە بیرم بێت، باپیرانمان ئاماژەیان بەوەداوە کە ئەم گوندە زۆر دێرینە،  لە ڕووی کولتوورییەوە زۆر دەوڵەمەندە، ژنانی گوندەکە تا ئێستا بەرگرییان لە زمان و جلوبەرگ و کلتور و دابونەریتی خۆیان کردووە، بنەماڵەی عەباسۆکمان نیشتمانپەروەرە و لە سەرەتای دروستبوونی تەڤگەری ئازادیی کۆمەڵگەی کوردستانەوە لەو دۆزەدا کار دەکەن بۆ ئەو مەبەستەش چەندین شەهید و شەڕڤانمان بەخشیوە".