ڕووداوى ئاگرکەوتنەوە یەکێکە لەو دیاردانەى،  ساڵانە چەند جارێک دووبارە دەبنەوە و لەگەڵ ئەوەى کوژاندنەوە و کۆنترۆڵ کردنیان کارێکى زەحمەتە هاوکات زیانێکى زۆر بەسروشت و ژینگەى کوردستان دەگەیەنێت.

ناوەندی هەواڵ

 

بەڕێوەبەرایەتی پۆلیسی دارستان و ژینگەی هەرێم ڕایگەیاند، بەهۆکارێکى نادیار ئاگرێکى بەرفراوان لە سنورى نێوان قەزاى قەرەداغ و ناحیەى سەنگاو لە شاخى سەگرمە /گێڵاناوە کەوتەوە، دەستبەجێ مەفرەزەکانى خاڵى وەزیارە بەهاوبەش لەگەل ئاگرکوژێنەوەى قەرەداغ و سەنگاو گەیشتنە شوێنى ڕووداوەکە توانیان لە ماوەیەکى کەمدا ئاگرەکە کونتڕۆڵ بکرێت.

 

ئاماژە بەوەشکراوە، سەرەڕای کۆنتڕۆڵکردنی ئاگەرەکە، زەرەر و زیانى ئاگرەکە ٢٠ دۆنم پوش و پاوان و دارى سروشتى و سوتان و زیانى زۆر بە سروشتى ناوچەکە گەیشتووە .

 

ئەوەشخراوەتەڕوو، لێکۆڵینەوەو بەدواداچون سەبارەت بە هۆکارى کەوتنەوەى ئاگرەکە بەردەوامە.