ناوەندی هەواڵ

 

ڕۆژی پێش ڕێپێوانەکە، تاڵیبان کابینەی کاتی وزارییان ڕاگەیاندبوو کە ژنانی تێدا نییەو هەروەها وەزارەتی کاروباری ژنانیان هەڵوەشاندەوە.

 

سارا ناوی خوازراوی ژنێکە و بە بی بی سی بەریتانی وتوە: " ئێمە ناتوانین ئەمە قبوڵ بکەین، بۆیەش هاتینە دەرەوە"، سارا ئەوە دووەم خۆپیشاندان بوو کە لە ماوەی هەفتەی ڕابردوودا بەشداری تێدا کردووە.

 

جیا ناوی خوازراوی ژنێکی ترە و دەڵێت: "ئێمە بە شێوەیەکی هێمنانە ڕێپێوانمان دەکرد دواتر نزیکەی ٥ ئۆتۆمبێلم بینی کە نزیکەی 10 چەتەی تاڵیبانی تێدا بوون، کە بەدوای ئێمە کەوتوون" .

 

ژنانی خۆپیشاندەری ئەفغانی دەڵێن کە ئەوان وەستاون و بە قامچیی ڕاوەستێنراون و بە باتۆنێک لێیان دراوە کە شۆکەکانی کارەبایی بڵاو دەکەنەوە.

 

جیا وتی : "ئەوان دووجار لە شانی منیان دا من دەتوانم هەست بە ئازار بکەم لە هەموو جەستەمدا، هێشتا ئازارم هەیەو من ناتوانم قۆڵی خۆم بجوڵێنم" هەروەها زۆر قسەی خراپیان بەکارهێناوە و ئازاریان زۆر داون.