زهور مەشرەقی

 

تونس- خەباتی ژنان دژی ڕەگەزگەرایی کۆمەڵایەتی لە هەموو بوارەکاندا بەردەوامە، بە تایبەت لە بواری زانست و ڕامیاریدا، هەزاران ژنی ئەکادیمی هەبوون و لە مێژووەوە بەردەوامن لە ململانێ بە تێچووی گەورەوە.

 

حەزامی مەحجوب، چالاکوان و داکۆکیکاری مافەکانی ژنان و مامۆستای فەلسەفە، کە بە چەندین سەختی تێپەڕیوە بەڵام درێژە بە خەباتی خۆی دەدات، وتی: بزووتنەوەی ژنان لە تونس دەمێکە بوونی هەیە و لە جیهاندا ناسراوە، لە ساڵی ٢٠١١ەوە کەشی ئازادی بەرز بوو و ژنان چالاکتر بوون، بەڵام لە ئێستادا چالاکییەکان کەم بوون و لە ئاستی پەرلەمان و بەڕێوەبردندا لاواز بوون، دروشمەکانی ئێستا بە نزمیی ماونەتەوە بە بەراورد لەگەڵ واقیعی ئێستا، توندوتیژی دژی ژنانیش زیادی کردووە.

 

"بزووتنەوەی ژنان بەردەوامە"

حەزامی مەحجوب لە درێژەی قسەکانیدا وتی: بزووتنەوەی ژنان بزووتنەوەیەکی بەردەوامە و بە بەرخۆدانی ژنانی تونس دروست بووە، هەر بۆیە شکست ناهێنێت، دەستکەوتەکانی ئێستا هەمیشە لە مەترسیدان، بەڵام بە خەبات و بەرخۆدان نوێ دەبنەوە و بەرەوپێش دەچن، ئێمە ناتوانین بڵێین کە ئێمە بەدەستمان هێناوە، هەرچەندە زیاتریش هەوڵ بدەین، داوای دەستکەوتی زیاتر دەکەین، دەزانین ململانێ هەیە، بەڵام هەمیشە بەردەوام دەبین.

 

سەمییە بەیدوح پزیشک و توێژەر باسی لەوە کرد کە پێویستە ژنان لە فەلسەفەدا بەهێز ئامادەبن، چونکە دەکرێت توێژینەوە لە سەردەمی ئێستادا بکرێت و دووپاتی کردەوە کە لێکۆڵینەوە بەدواداچوون بۆ هەموو کێشە نوێیەکان لەگەڵ مرۆڤدا دەکات، وتیشی: کار لەسەر بڵاوکردنەوەی کتێبێکی فێمێنیستەکانی بیۆتیکیا دەکات کە تیایدا بەدواداچوون بۆ ئیکۆلۆژیای ڕەگەز دەکەم، ئەوەی ئێستا ڕوودەدات کارەساتێکی سروشتییە لەسەر ئیکۆلۆژیا، پلەکانی گەرما و گۆڕانی کەشوهەوا هەمووی ڕوودەدەن، چونکە نازانین چی بەکاربهێنین و لەکوێ، بەتایبەتی ژنان کاریگەری ئەو بابەتانەیان لەسەرە.

 

سەمییە بەیدوح ئاماژەی بەوەشکرد، پێویستە ژنان زۆرترین گەردوون بپارێزن چونکە لەم بوارەدا چالاکن و فەلسەفە توانای پەیوەستبوونیان بە خاکەوە پێدەبەخشێت، ئاماژەی بەوەشدا کە بواری بایۆتەکنەلۆژیا کار لەسەر ژنان دەکات، هەروەها ژنان پێویستیان بە ڕۆڵێکی کارا هەیە لە سیاسەتدا چونکە سیاسەت دەتوانێت جیهان بەڕێوەببات و گۆڕانکاری لە بەڕێوەبردندا بکات.