"کردنەوەی ڕێگای خێرای M4 هەنگاوێکی گرنگ و ستراتیژییە"
مادلێن عوبێد، جێگری ئەنجومەنی تل تەمر لە کانتۆنی جزیرە، دەڵێت: ڕێگای خێرای ”M4” ”ئێم٤” کلیلێکی ستراتیژی، ئابووری، سیاسی و مرۆییە بۆ باکوور و ڕۆژهەڵاتی سووریا.
سۆرگوڵ شێخۆ
تل تەمر-لە چوارچێوەی ئەو ڕێککەوتنەی کە لە ٢٩ی کانوونی دووەم لە نێوان هێزەکانی سووریای دیموکرات و دیمەشق ئەنجامدرا، چەند ڕۆژێک لەمەوبەر ڕێگای خێرای نێودەوڵەتی ”M4” ”ئێم٤”دوای حەوت ساڵ کرایەوە.
لە ٩ی تشرینی یەکەمی ٢٠١٩، دەوڵەتی داگیرکەری تورکیا هێرشێکی بەرفراوانی دژی خەڵکی سەرێکانی و گیرێ سپی دەستپێکرد و لە ئەنجامدا ڕێگای خێرای ”M4” ”ئێم٤” داخرا.
هەڤرین خەلەف، شایانی باسە، سیاسەتمەداری کورد لە هەمان ڕێگای خێرا لە لایەن چەتەکانی سەر بە داگیرکاری دەوڵەتی تورکیاوە کوژرا.
ئەمڕۆ دوای حەوت ساڵ لە ڕێکەوتنی ٢٩ی کانوونی دووەم جارێکی تر ڕێگای خێرا کرایەوە.
مادلێن عوبێد، جێگری هاوسەرۆکی ئەنجومەنی تل تەمر لە کانتۆنی جزیرە، باسی لە گرنگی داخستن و کردنەوەی ڕێگای نێودەوڵەتی ”M4” ”ئێم٤” و کاریگەرییەکانی لەسەر جوڵەی ئابووری، بازرگانی و مرۆیی کرد.
”ڕێگای ”M4” ستراتیژیترین ڕێگای خێرا لە سووریا”
مادلێن عوبێد وتی: ڕێگای ”M4” ”ئێم٤” بە یەکێک لە گرنگترین ڕێگا ستراتیژییەکانی سووریا دادەنرێت و هێڵێکی ژیانی گرنگە، هەروەها گرنگی سەربازی و سیاسیشی هەیە، بۆیە ئەم ڕێگایە بوو بە خاڵی کاردانەوە بۆ داگیرکەری تورکیا کە دەیانویست کۆنترۆڵی خۆیان بەسەر ناوچەکەدا بسەپێنن، بەم شێوەیە ڕێگاکە گرنگییەکی سەربازی و ئابووری و مرۆیی گەورەی هەیە.
”حەوت ساڵ سەختی بۆ گەل”
مادلێن عوبێد سەختییەکانی داخستنی ڕێگاکە و کاریگەرییەکانی لەسەر ژیانی خەڵک بەبیرهێنایەوە و وتی: ماوەی حەوت ساڵە هاوڵاتیانی مەدەنی کە لەسەر ڕێگای خێرا ”M4” ”ئێم٤” دەژین، بەهۆی ئاستەنگەکانی بەردەم جووڵە لە نێوان شارەکان و ناوچەکانی دیکەدا ئازار دەچێژن، جگە لەوەش جموجۆڵی ئابووری لە نێوان شارەکانی ناوچەی جزیرە و پارێزگاکانی دیکەی سووریاش ڕاگیرا.
”سوودە بازرگانییەکانی”
مادلین عوبێد، وتی: هەرێم سوودمەندە لە زیادبوونی قازانج و مۆڵەتی هاوردە لە وڵاتانی دراوسێ، بەو پێیەی ئەم ڕێگایە چەند وڵاتێکی دراوسێ و پارێزگاکانی سووریا بەیەکەوە دەبەستێتەوە، هەروەها ئەم ڕێگایە لازقیە و حەلەب بە قامیشلۆ و عێراقەوە دەبەستێتەوە، ئەمەش بۆ ناوچەکەمان زۆر گرنگە.
”خوێندکاران و نەخۆشەکان و داخستنی ڕێگا مەترسیدارەکان”
مادلێن عوبێد سەرنجی بۆ ئەو ئاستەنگانە ڕاکێشا کە ڕووبەڕووی خوێندکاران و نەخۆشەکان دەبنەوە و ڕایگەیاند، بە کردنەوەی ڕێگاکە دەبێتە هۆی نەهێشتنی ئەو ئاستەنگانەی کە هەن، هەروەها داخستنی ڕێگاکە ڕێگری لە جوڵەی خوێندکاران لە نێوان هەرێم و پارێزگاکانی سووریادا کرد بۆ گەیشتن بە زانکۆکان.
هەروەها ئەو نەخۆشانانەی نەخۆشی درێژخایەنیان هەبووە، بە سەختی گەیشتوونەتە نەخۆشخانەکان، چونکە دەبوو ڕێگای زۆر مەترسیدار و هەندێکجار زۆر درێژ بەکاربهێنن.
لە ئەنجامدا، بەشێک لە نەخۆشەکان لەسەر ئەو ڕێگایانە گیانیان لەدەستدا، هەموو ئەمانەش بەهۆی ململانێ و هێرشەکانی دەوڵەتی تورکیا لەسەر ئەم ڕێگایە بوو، بەڵام ئێستا ئەم سەختییانە کەم دەبنەوە.
”هەرێم جارێکی تر دەگەڕێتەوە”
مادلێن عوبێد ئاماژەی بە کردنەوەی ڕێگاکە کە کرد و ڕایگەیاند کە لەگەڵ کردنەوەی ڕێگاکە، هەرێم بۆ جارێکی دیکە دەگەڕێتەوە و وتی: ئەم ڕێگایە هەنگاوێکی زۆر باش بوو بۆ جموجۆڵی ژنان و گەیشتن بەشار و پارێزگاکانی تر، بەتایبەتی هیچ کەس له ترسی تەقینەوەی مین و ترسی لە دەستدانی گیانی خۆیدا ناژی.
ئاماژەی بەوەدا، کە ئەم ڕێگایە لە ڕێگەی ڕێککەوتنە نێودەوڵەتییەکان و ڕێککەوتنی ٢٩ی کانوونی دووەم نێوان هێزەکانی هەسەدە و دیمەشقەوە کرایەوە و لە کۆتایی قسەکانیدا وتی: ڕێگاکە لە چوارچێوەی ڕێککەوتن و یەکگرتن کراوەتەوە، پێشبینی دەکرێت دوای حەوت ساڵ، کردنەوەی ئەم ڕێگایە زۆر باش بێت بۆ ناوچەکە.