ناوەندی هەواڵ

 

لە ساتێکی سەرەکی مێژووی سیاسی و چالاکواندا، چاپخانەی دیپ نۆت لە مانگی حوزەیرانی ساڵی ڕابردوودا پەرتوکێکی بە ناوی "دۆسیەی کۆبانێ: "ژن، ژیان. ئازادی" بڵاوکردەوە.

 

پەرتوکەکە تەنها کۆمەڵێک داوای یاسای نییە، بەڵکو شایەتحاڵێکی زیندوە بۆ خەباتێکی ژنان و سیاسی، کە لە قسەکانی سەباحەت تونجەل، هاوسەرۆکی پێشوی پارتی دیموکراتی گەلان بەرجەستە بووە، کە بووەتە هێمای بەرخۆدانی ژنان لە بەرامبەر ستەمکردندا.

 

ئەم پەرتوکە ٢٨٠ لاپەڕەیە، ئەو داوایانەی سەباحەت تونجەل لەخۆدەگرێت کە لە کاتی دادگاییکردنی کۆبانێدا پێشکەشی کردووە، لە چوارچێوەی سیاسی و مێژووی خۆیاندا خراوەتەڕوو، هەروەها لەلایەن بیرجان یۆرولمازەوە دەستکاری کراوە، کە لە پەیوەندی لەگەڵ هەمان کەیسدا دەستبەسەر بووە، ئەمەش کارەکتەری بەکۆمەڵ و شەڕانگێزی بە بەرهەمەکە بەخشیوە کە گیانی هاودەنگی و بەرخۆدان پیشان دەدات.

 

لە ڕێگەی گێڕانەوەی سەباحەت تونجەلەوە ئەوە ڕوون دەبێتەوە کە دۆسیەکە دادگاییکردنی کەسی نەبووە، بەڵکو هەوڵێک بووە بۆ تێکدانی سیاسەتی دیموکراتی و سنووردارکردنی خەباتی ژنان بۆ ئازادی و بێدەنگکردنی خواستەکانی هاوڵاتیان بۆ پێکەوەژیان، لە هەندێک لە پاڕانەوەکانیدا، وتی: بۆ ئێمە وەک ژن، "ژن، ژیان، ئازادی" تەنها دروشم نییە، بەڵکو بنچینەی ژیانمانە، ئەوانەی ئەمڕۆ دادگای دەکرێن ئێمە نین، بەڵکو داواکاری ژنانن بۆ ئازادی و بەدواداچوونی هاوڵاتیان بۆ ئاشتی و یەکسانی، هیچ ڕژێمێک بە درێژای مێژوو نەیتوانیوە ئازادی ژنان ڕابگرێت و ئەمڕۆش ناتوانێت ئەو کارە بکات.

 

پەرتوکەکە تەنها گفتوگۆکان پێشکەش ناکات، بەڵکو دەچێتە قوڵای ئەو ڕووداوانەی کە باکگراوندی دۆسیەکەئان پێکهێناوە، وەک پرۆسەی ئاشتی، ڕووداوەکانی کۆبانێ و سیاسەتەکانی دەوڵەت بەرامبەر تەڤگەری کورد، هەمووی لە ڕوانگەیەکی ڕزگاریخوازی ژنانەوە کە تیشک دەخاتە سەر ڕۆڵی ژنان وەک پاڵنەرێکی بنەڕەتی گۆڕانکاری کۆمەڵایەتی و سیاسی.

لە بەرگی پشتەوە، سروشتی سیاسی دادگاییکردنەکە ڕەخنەی لێگیراوە و ئاماژە بەوە کراوە، کە بەشداریکردنی دامەزراوەکانی دەوڵەت وەک سکاڵاکار لە کەیسەکەدا سێبەری لەسەر سەربەخۆی دادوەری لە تورکیا داناوە، کە ئەمەش ڕەنگدانەوەی ڕادەی سیاسیکردنی پرۆسەی یاسای بووە.