ئامەد

 

بە دروشمی "با سیاسەت دیموکراتیک بکەین، با کۆمەڵگەیەکی دیموکراتیک بونیاد بنێین"، ئەمڕۆ ٢٨ی ئایار، یەکەمین کۆنگرەی ژنانی پەرلەمانتاری کورد، کە لەلایەن تەڤگەری ژنانی ئازاد ڕێکخرابوو لە شاری ئامەد لە باکووری کوردستان دەستیپێکرد. لە کۆنگرەکەدا کە دوو ڕۆژ دەخایەنێت، ژمارەیەک ژنی پەرلەمانتاری کورد لە کوردستان، ڕۆژهەڵاتی ناوەڕاست و ئەوروپا بەشدار دەبن.

 

گولجان کاچماز سایگیت هاوسەرۆکی دەستپێشخەریی یەکگرتوویی دیموکراتیک، وتاری سەرەتای پێشکەش کرد و جەختی لەوە کردەوە کە گەلی کورد و بەتایبەت ژنانی کورد لە هەلومەرجێکی سەختدا ژیاون. دەوڵەتە نەتەوەییەکان سێ ڕێگایان ئاشکرا کردووە، یەکەم گەلی کوردیان بەسەر چوار بەشدا دابەشکرد، لەناویانبرد، سیاسەتی یەکگرتنیان جێبەجێکرد و ڕێگریان لە یەکگرتن و گەیشتن بە یەکگرتوویی کورد کرد.

 

ئاماژەی بەوەشکرد، ئەمڕۆ بۆ یەکڕیزی کورد کاردەکەن و وتی: پێویستە پشتگیری لەو لێدوان و بڕیارانە بین کە لێرە دەردەچن. بە پشتیوانیکردنیان یەکگرتوویی خۆمان مسۆگەر دەکەین، جەنگی جیهانی سێیەم لە ئارادایە. لە ژێر ڕۆشنایی ئەو سەختییەی کە بەسەرمان دەچێت، فەلسەفەی ژن ژیان ئازادی چارەسەری ئایدیاڵە بۆ کوردستان و ڕۆژهەڵاتی ناوەڕاست.

 

ڕوونیشیکردەوە، هەرکات ژنانی کورد بە فەلسەفەی ژن ژیان ئازادی دەنگیان لە سەرانسەری جیهان بەرزکردەوە، ئەزموونەکانی خۆیان ئاشکرا دەکەن، شتی نوێ ئاشکرا دەکەن، "لەم هەلومەرجەدا ئەمڕۆ لە چوار پارچەی کوردستان و لە ڕەوەندیشدا هەوڵی چڕ و پڕ هەیە"، ژنان بەشداری سیاسەت دەکەن و بەرخۆدانیان بەردەوام دەبێت.

 

"یەکگرتوویی گەلی کورد و ژنانی کوردە"

ئاماژەی بەوەشکرد، "بانگەوازی ئاشتی و کۆمەڵگەیەکی دیموکراتیک" کە لەلایەن ڕێبەری گەلی کورد عەبدوڵا ئۆجالانەوە لە ٢٧ی شوبات دەستیپێکرد، وتی: ڕێبەری گەلی کورد عەبدوڵا ئۆجالان کاتێک داوای ئاشتیی کرد، جەنجاڵییەکی گەورەی لە سەرانسەری جیهاندا دروستکرد. پێویستە ئێمە وەک ژنان هەوڵەکانمان دوو هێندە بکەین بۆ دەستەبەرکردنی کۆمەڵگەیەکی دیموکراتی. بەرپرسیارێتیمان گەورەیە، پێویستە پشتگیری لەو بڕیارانە بکەین کە لەم کۆنگرە دەرچووە و بیروبۆچوون و سیاسەتەکانی دەوڵەتی پیاوسالاری نەهێڵین. یەکگرتوویی ئی گەلی کورد و ژنانی کوردە، و بە ناچاری بەدی دێت.