ناوەندی هەواڵ

 

تیرۆرکردنی خەنسا موجاهید، دیزاینەرو چالاکوانی تۆڕە کۆمەلایەتییەکان شەپۆلێکی شۆکاوی لە شەقامەکانی لیبیادا لێکەوتەوە، هەروەها هاوڵاتیان کاردانەوەی بەرفراوانیان بەرامبەر بە کوشتنی ئەو ژنە دەربڕی، هەروەها شەرمەزاری توندی خۆیان بۆ ئەم تاوانە دەربڕی کە کەسایەتییەکی دیاری ژن لە بواری دیجیتاڵ میدیادا کردە ئامانج.

 

خەنسا موجاهید لە٢١ی تشرینی دووەم، دوای ئەوەی لە ناوچەی سیراج لە ڕۆژئاوای تەرابلوسی پایتەخت لەلایەن چەند چەکدارێکی نەناسراوەوە لەناو ئۆتۆمبێلەکەیدا تەقەی لێکرا وکوژرا.

 

ئەو گرتە ڤیدیۆییانەی لە تۆڕە کۆمەڵایەتییەکان بڵاوبوونەتەوە، دەریدەخەن کە کونێکی فیشەک لە جامی ئۆتۆمبێلەکەدا هەیە، لە کاتێکدا دەردەکەوێت قوربانییەکە لەسەر زەوی پاڵکەوتووە دوای ئەوەی بەهۆی برینەکانیەوە گیانی لەدەستداوە، تا ئێستا پاڵنەری تاوانەکە و لایەنی بەرپرسیار لەو تاوانە نەزانراوە، ئەم ڕووداوەش شۆکێکی بەرفراوانی لای خەڵکی لیبیا دروستکردووە.

 

شایەتحاڵێک باسی لەوە کردووە، خەنسا موجاهید، دروستکەری ناوەڕۆک، هەوڵیداوە لە ئۆتۆمبێلەکەی دابەزێت و لە ساتی دەستپێکردنی تەقەکردنەکەدا هەڵبێت، بەڵام ڕاستەوخۆ کراوەتە ئامانج، هەروەها ئۆتۆمبێلەکە بۆ ماوەیەکی زۆر لە دوای مردنی بەردەوام بووە لە ڕۆشتن، دیمەنەکانیش وردەکارییە کارەساتبارەکانی تاوانەکە پیشان دەدات.

 

خەنسا موجاهید یەکێکە لە کەسایەتییە دیارەکانی ناو تۆڕە کۆمەڵایەتییەکان، بەتایبەتی لەنێو ژناندا، بەو پێیەی بەناوبانگە بە ئارەزووی خۆی بۆ مۆدە و جوانکاری، هەروەها خاوەنی دوکانێکی جلوبەرگی ژنانە جگە لە ئارایشتگایەکی جوانکاری.

 

تیرۆرکردنی خەنسا موجاهید شۆک و شەرمەزارکردنی بەربڵاوی لە لیبیا بەدوای خۆیدا هێنا، بەکارهێنەرانی تۆرە کۆمەڵایەتییەکان توڕەیی و نیگەرانی خۆیان دەربڕی بەرامبەر دووبارەبوونەوەی ئەو تاوانانەی کە چالاکوانان دەکەنە ئامانج بەبێ ئەوەی تاوانباران دەستنیشان بکرێن یان لێپرسینەوەیان لەگەڵدا بکرێت، دۆسیەکە زاڵ بوو بەسەر گفتوگۆکانی ئۆنلایندا، لە کاتێکدا بانگەوازەکان بۆ ڕاگرتنی هێرشەکان و دەستەبەرکردنی پاراستنی ئەو ژنانەیە کە لە کایەی گشتیدا کاردەکەن.

 

دامەزراوەی نیشتمانی مافی مرۆڤ ئاماژەی بەوەدا، تیرۆرکردنی خەنسا موجاهید، دروستکەری ناوەڕۆکی لیبیا، ڕەنگە هاوژینەکەی موعازمەنفوخ، ئەندامی لیژنەی گفتوگۆی سیاسی کردبێتە ئامانج، چونکە بەزۆری ئۆتۆمبێلە ئامانجدارەکەی لێخوڕیوە، هەروەها توخمە دەرەکییەکانی سەر بە دەزگای ئاسایشی گشتی تۆمەتبار دەکات بەوەی دەستیان لە تاوانەکەدا هەبووە.

 

ڕێکخراوەکە داوای لێکۆڵینەوەی گشتگیر و ناسینەوەی تاوانباران و لێپێچینەوەیان کردووە، لە بەرامبەردا، عیماد تەرابلوسی، وەزیری ناوخۆی تورکیا، خزمەتگوزارییە ئەمنییەکانی ڕێنمایی کرد کە لێکۆڵینەوەیەکی بەپەلە دەستپێبکەن بە پێکهێنانی تیمێکی تایبەتمەند و کەڵکوەرگرتن لە سەرچاوەی پێویست بۆ دەستگیرکردنی ئەو کەسانەی پەیوەندییان پێوە هەیە و ڕەوانەکردنیان بۆ دەسەڵاتی دادوەری.

 

ڕێکخراوەکە داوای لێکۆڵینەوەی گشتگیر و ناسینەوەی تاوانباران و لێپێچینەوەیانی کرد، لە بەرامبەردا عیماد تەرابلوس، وەزیری ناوخۆی عێراق، فەرمانی بە دەزگا ئەمنییەکان کرد بە پێکهێنانی تیمێکی تایبەتمەند و بەکارهێنانی سەرچاوەی پێویست بۆ دەستگیرکردنی ئەو کەسانەی پەیوەندییان پیوە هەیە و ڕەوانەکردنیان بۆ دەسەڵاتی دادوەری.