ناوەندی هەواڵ

 

تۆڕی ماف و ئازادییەکانی یەمەن ٤ی شوبات، ڕفاندن و بێسەروشوێنکردنی زۆرەملێی ئەشواق شمەیری، چالاکوانی یەمەنی شەرمەزار کرد و ئەو کارەی بە "تاوانێکی گەورە و هەڵکشانێکی مەترسیدار لە دژی ژنان" لەو وڵاتە پێناسە کرد.

 

سەرچاوەکانی مافی مرۆڤ ئاشکرایان کرد کە حوسییەکان ٢٥ی تشرینی دووەم هەڵیانکوتایە سەر ماڵی ئەشواق سلێمان شمەیری، چالاکوانی مافی مرۆڤ، کە لە باکووری سەنعا  دەستبەسەرکرا و دواتر بردوویانە بۆ شوێنێکی نادیار، کە ئیتر لەو کاتەوە بێسەروشوێن ماوەتەوە.

 

بەگوێرەی ئەو سەرچاوانە، هەڵمەتەکە لە بەیانیدا بە بەکارهێنانی ئۆتۆمبێلی سەربازی ئەنجامدراوە، ئەشواق شمەیری بەبێ هیچ ڕوونکردنەوەیەکی فەرمی سەبارەت بە هۆکاری دەستگیرکردنی یان شوێنی ڕاگرتنی ڕفێندرا.

خێزانی ئەشواق شمەیری دووپاتیان کردۆتەوە، کە هێشتا بەدوای زانیاریدا دەگەڕێن لەسەر چارەنووسی، هاوکات حوسییەکان ڕەتیدەکەنەوە باری یاسایی ئەشواق شمەیری ئاشکرا بکەن یان ئەو تۆمەتانەی کە ئاراستەی کراوە، ئەوان ئاماژەیان بەوە کرد کە ئەشواق شمەیری لە هیچ ڕێکخراوێکی ناوخۆیی و نێودەوڵەتی کار ناکات و لە سەرەتای سەرهەڵدانی ململانێکانەوە لە شاری سەنعا ئاوارە بووە و بەو هۆیەشەوە دەستگیرکردنی بە تەواوی ناڕەوا بووە، چ لە ڕووی یاسایی و چ لە ڕووی مرۆڤایەتییەوە.

 

تۆڕی ماف و ئازادییەکانی یەمەن، ڕفاندن و بێسەروشوێنکردنی زۆرەملێی ژنێکی مەدەنی و ئەکادیمی بە تاوانێکی قورس و پێشێلکردنی ڕوونی مافە بنەڕەتییەکان، لە پێش هەموویانەوە مافی ئازادی و ئاسایشی کەسایەتی دەزانن، ئەمەش پەرەسەندنێکی مەترسیدار لە بە ئامانجگرتنی ژنان و ئەکادیمیستەکان ئاشکرا دەکات وەک بەشێک لە سیاسەتێکی سیستماتیکی بۆ بێدەنگکردنی دەنگە مەدەنییەکان و بڵاوبوونەوەی تیرۆر لە کۆمەڵگەدا.

 

تۆڕی مافەکانی مرۆڤ داوای ئازادکردنی دەستبەجێ و بێ مەرجی ئەشواق شمەیری و ئاشکراکردنی شوێنی ئەو، مسۆگەری بۆ باشبوونی جەستەیی و دەروونیی کردووە، هەروەها داوای لە کۆمەڵگەی نێودەوڵەتی و میکانیزمە پەیوەندیدارەکانی مافی مرۆڤی نەتەوە یەکگرتووەکان کرد بەپەلە دەستوەردان بکەن و فشار بخەنە سەر بۆ کۆتاییهێنان بە تاوانی بێسەروشوێنکردنی زۆرەملێ و لێپرسینەوە لە هەموو ئەو کەسانەی کە پەیوەندییان پێوە هەیە و ڕێگری لە بێ سزایی ئەوان بکەن.

 

لەبەر ڕۆشنایی زیادبوونی ژمارەی ئەم پێشێلکاریانە، داواکارییەکانی مافی مرۆڤ بۆ لێکۆڵینەوەیەکی نێودەوڵەتی سەربەخۆ و ڕوونە لە هەموو حاڵەتەکانی مردن و ئەشکەنجەدان لە ناو زیندانەکانی حوسییەکان پەرەسەندن دەبێت، بێدەنگی کۆمەڵگەی نێودەوڵەتی سەبارەت بەم تاوانانە وەک پێدانی بێ سزای زیاتر بە تاوانباران بۆ درێژەدان بە پێشێلکارییەکانیان بەرامبەر بە خەڵکی مەدەنی یەمەن سەیر دەکرێت.