ناوەندی هەواڵ

 

لە ١٠ی ئایاری ٢٠٢٤ەوە هێزەکانی پشتیوانی خێرا بەردەوامن لە سەپاندنی گەمارۆدان بەسەر شاری فاشر، سەرەڕای هۆشدارییە نێودەوڵەتییەکان سەبارەت بە مەترسی پەرەسەندنی سەربازی لەو شارە، کە ناوەندێکی سەرەکییە بۆ ئۆپەراسیۆنە مرۆییەکان لە پێنج پارێزگای دارفور.

 

ڕۆژی ٢٧ی ئەیلوول، تۆڕی پزیشکانی سودان ڕاستەوخۆ بەرپرسیارێتیی خراپتربوونی کارەساتی مرۆی لە فاشر، پایتەختی دارفۆری باکووری لە ئەنجامی بەردەوامی گەمارۆدانەکەی زانی، تۆڕەکە ئاماژەی بەوەشکردووە، کە ئەوەی لە فاشر ڕوودەدات چیتر تەنها قەیرانێکی مرۆی نییە، بەڵکو دەگاتە "تاوانێکی سیستماتیکی".

 

هۆشداریشی دا لە کاردانەوەی ڕاگەیاندنی لەسەر ژیانی هاوڵاتیانی مەدەنی، بەتایبەتی ئەوانەی زۆرترین زیانیان بەرکەوتووە، ئاماژەی بەوەشکرد، کە ژمارەی گیانلەدەستدان لەنێو منداڵان و ژنان بەهۆی بەدخۆراکییەوە بۆ ٢٣ کەس بەرزبووەتەوە، ئەمە لەکاتێکدایە کە ئاڵەنگاریەکان لە هێنانی هاوکارییە مرۆی و پزیشکییەکان بۆ ناو شارەکە زیاتر دەبن.

 

تۆڕەکە جەختی لەوە کردەوە کە هەموو ڕۆژێک دواکەوتن لە هەڵگرتنی گەمارۆ و هێنانی هاوکاری مرۆی و دەرمان، لەگەڵ سزای لەسێدارەدانی بەکۆمەڵە بۆ هاوڵاتیانی مەدەنی لە شاری فاشر.

 

تۆڕەکە لە ڕاگەیاندراوێکەدا، کە ڕۆژی ٢٦ی تەمووز بڵاویکردەوە، لە سەرەتای ئەمساڵەوە تا ئێستا ٢٣٩ منداڵ لە شاری فاشر گیانیان لەدەستداوە، ئەوەش بەهۆی کەمییەکی زۆری خۆراک و دەرمان، هەروەها هەماهەنگی گشتی بۆ ئاوارە و پەنابەران لە دارفور دوێنێ سێ حاڵەتی گیانلەدەستدان و ١٠٢ حاڵەتی تووشبوون بە نەخۆشی کۆلێرا تۆمارکرد، ئاماژەی بەوەشکرد، کە کۆی گشتیی ئەو حاڵەتانەی ڕۆژانە تۆمارکراون لە سەرەتای سەرهەڵدانی نەخۆشی کۆلێرا لەو وڵاتە بۆ ١٣ هەزار و ٢٠٠ حاڵەت بەرزبووەتەوە، ئەمە جگە لەوەی کە ٥٥٧ حاڵەتی گیانلەدەستدان.