ناوەندی هەواڵ

 

بەپێی هەواڵی سەرچاوەکانی مافی مرۆڤ، محشر پرندین، کە لە زیندانی ئێڤین لە ئێران دەستبەسەر کراوە، سەرەڕای تێکچوونی باری تەندروستی، بەردەوامی لە چاوەدێری پزیشکی پێویست، هەروەها لە چەند مانگی ڕابردوودا، بارودۆخی  خراپتر بووە و ڕەتکردنەوەی چارەسەری تایبەتمەند نیگەرانی جددی بۆ ژیانی دروستکردووە.

 

محشر پرندین تووشی حاڵەتێکی سەختی دڵ بووە، ئەمە جگە لەوەی دوو وەرەمی هەیە کە دەکەوێتە بنی قوڕگی و نزیک مێشک، بە وتەی ئەو پزیشکەی زیندان، ئەم وەرەمانە پێویستیان بە نەشتەرگەری بەپەلە و چاودێری پزیشکی تایبەتمەند هەیە، بەڵام تا ئێستا هیچ هەنگاوێک بۆ گواستنەوەی بۆ ناوەندێکی چارەسەری دەرەوەی زیندانەکە نەنراوە.

 

بەگوێرەی سەرچاوە نزیکەکانی خێزانەکەی، یەکێک لە وەرەمەکانی نزیک مێشکی کاریگەری لەسەر کارەکانی جوڵەی و دەمارەکانی دروستکردووە، هاوسەنگی و جووڵەی تێکچوو، هەروەها کێشەی قسەکردنیشی بۆ دروستکردووە، دەوترێت ئێستا قسەکانی پارچە پارچە بووە و بە سەختییەکی بەرچاو دیارە.

 

هەروەها ڕاپۆرتەکان ئاماژە بەوە دەکەن، کە دواکەوتنی چارەسەرکردن بووەتە هۆی گەشەکردنی دوو وەرەمەکە،  هەلئاوسانی ناوچەی خوارەوەی قوڕگی کە ئێستا بە ڕوونی دیارە، دەتوانرێت گرێیەکی دیکە لە پشت سەریەوە لە ژێر قژیدا هەست پێبکرێت، ئەمەش نیگەرانی زیاتر دەکات سەبارەت بە بەرەوپێشچوونی حاڵەتەکەی.