ناوەندی هەواڵ

 

سەیوان ڕۆستەم، ئەندامی یەکێتی ژنانی کوردستان، لە نوێترین بڵاوکراوەیدا لە تۆڕی کۆمەڵایەتی فەیسبووک بە ناونیشانی "بۆچی جیهان شانازی بە کچانی کۆبانیوە نەکات" دەنووسێت: کچانی کۆبانی بەو توانا سەربازییە کەمەوە بەرخۆدانیان کرد و شارەکەیان لە دڕندەترین گروپی تیرۆرستی لە مێژووی مرۆڤایەتیدا ڕزگارکرد.

 

سەیوان بڵاوکراوەکەی دەربارەی دۆخی وڵاتی ئەفغانستان و ڕووبەڕووبونەوەیانە لەگەڵ تاڵیباندا، دەڵێت: ئەگەر سەرنجی ڕووداوەکانی ئەمڕۆی ئەفغانستان بدەین، دەبینین وڵاتێکی پڕ چەکی مۆدێرن، سوپایەکی نیزامی مەشق پێکراو، چەکدار بە باشترین چەکی ئەمریکایی، جگە لەوەی کە ئەو وڵاتە دەوڵەتە و حکومەتی هەیە، جێگە و ڕێگەشی هەیە لەناو کۆمەڵگای نێو دەوڵەتیدا، بەڵام ئەوەی دەبینین و لە هەواڵەکاندا دیارە بە ئەو هەموو هێز و کەرەستەیەوە بەرگەی هەفتەیەکی نەگرت و یەک لەدوای یەک شارەکانی بەبێ بەرەنگاری دەکەونەوە دەست تاڵیبان".

 

ئەو ئەندامەی یەکێتی ژنانی کوردستان، بەرخۆدانی شەڕڤانان لە کۆبانێ بەرامبەر گروپی تیرۆریستی داعش دەهێنێتەوە و دەڵێت بۆچی جیهان شانازی بە کچانی کۆبانیوە نەکات: "بەپێچەوانەوەی کچانی کۆبانێ کە بەو توانا سەربازییە کەمەوە چۆن بەرگریان لە شارەکەیان کرد و بەڕەنگاری دڕندەترین گروپی تیرۆریستی لە مێژووی مرۆڤایەتییدا بوونەوە و کۆبانێیان ڕزگار کرد".

 

لە کۆتایشدا سەیوان ڕۆستەم ئاماژەی بەوەدا، "ئەمە پێمان دەڵێت هێز و ئیرادە و پشت بەخۆبەستن زۆر گرنگ ترە لە هێزی چەک، دواجار پێویستە هەموومان بڵێین قوربانی دەست و تفەنگتان کچانی کۆبانێ".

 

ت.پ