ناوەندی هەواڵ

 

سیناتۆر جین شاهین، ئەندامی لیژنەی پەیوەندییەکانی دەرەوەی ئەنجوومەنی پیرانی ئەمریکا، لە ڕێگەی پۆستێکەوە لە پلاتفۆڕمی "ئێکس" نیگەرانی قووڵی خۆی لەبارەی توندوتیژییەکانی ئەم دواییەی حەلەب و ئەو مەترسییەی بۆ هەڵکشانی فراوانتر دروستی دەکات، دەربڕی. 

 

جین شاهین داوای لە حکومەتی کاتی لە سووریا کرد کە "گرژییەکان کەم بکاتەوە، لێکۆڵینەوە لە پێشێلکارییەکان بکات و دانوستانەکان دەست پێ بکاتەوە"، جەختیشی لەسەر پێویسیی پابەندبوونی هەموو لایەنەکان بە دانوستانەکان و تەواوکردنی پرۆسەی تێکەڵبوون بەپێی ڕێککەوتنی ١٠ی ئادار کردەوە.