ناوەندی هەواڵ

 

شاندی ژنان لە باکوور و ڕۆژهەڵاتی سووریاوە بەردەوامن لە گەشتە ئەوروپییەکەی کە مانگێک دەخایەنێت، سێ کۆبوونەوەی فەرمی لە پاریسی پایتەختی فەرەنسا ئەنجام دەدەن، لەگەڵ سەرۆکی شارەوانی پاریس و جێگرەکەی و چەند ئەندامێکی ژن، هەروەها لە دامەزراوەی دانیێلا میتران و ماڵی عەلەوییەکان لە پاریس کۆبوونەوەیان ئەنجامدا.

 

له میانی دیداره کاندا شاندی ژنان باسیان له پێشهاته کانی سووریا به گشتی و له باکوور و ڕۆژهه ڵاتی سووریا به تایبه تی کرد و تیشکیان خستە سەرئاڵەنگاریە سیاسی و مرۆییەکانی بەردەم ناوچەکە.

 

هەروەها لە گفتوگۆکاندا باس لە بارودۆخی ژنان لە سووریا و شۆڕشی ژنان کرا، بەراوردکردنی ڕاستی ژنانی ژێر دەسەڵاتی پارتی بەعس و حکومەتی کاتی، جەختیان لە بەهێزکردنی پەیوەندی نێوان ژنان و پەیوەندییەکانی ژنان بۆ پاراستنی دەستکەوتەکان و فراوانکردنی خەبات بۆ مافە گەورەکان کردەوە.

 

لە کۆتایی کۆبوونەوەکاندا، چالاکوانان وێنەی ئەو ژنە گەنجە کوردە، ژینا ئەمینی، بە بۆنەی سێهەمین ساڵڕۆژی شۆڕشی "ژن، ژیان، ئازادی"، کە لە مانگی ئەیلوولی ٢٠٢٢ لە ئێران بە دوای کوشتنی لەلایەن پۆلیسی "ئەخلاق"ەوە سەریهەڵدا، بەرزکردەوە، ژینا ئەمینی بۆتە هێمایەکی جیهانی خەباتی ژنان لە دژی ستەم و توندوتیژی.