ناوەندی هەواڵ

 

دەنگی دەستگیرکراوانی کوردو ئێران، دەربارەی دەستبەسەرکردنی ژنێکی کورد لە ڕۆژهەڵاتی کوردستان زانیاری ئاشكرا کرد.

 

بەپێی هەواڵەکە، ژنێکی کورد بەناوی فۆروزان ئیسلامی مامۆستای زمانی ئینگلیزی و بەرپرسی ئەکادیمیای زمانی “نەوجەوان” لە شاری ورمێ ڕۆژهەڵاتی کوردستان لەلایەن هێزە ئەمنییەکانی ئێرانەوە دەستبەسەر کرا و بۆ شوێنێکی نادیار گوازرایەوە.

 

ئاماژە بەوەشکراوە، هێزە ئەمنییەکان بەبێ فەرمانی دادوەر ئەو ژنە کوردەیان دەستبەسەر کردووە و تا ئێستا هیچ زانیارییەک لە بارەی شوێن و بارودۆخی ناوبراو بڵاو نەکراوەتەوە.

 

جێی ئاماژەیە، فۆروزان ئیسلامی لە بواری فێرکردنی زمانی ئینگلیزیدا چالاکە و وەک یەکێک لە کەسایەتییە ناسراوەکانی کورد لە ورمێ ناسراوە، هەروەها ژنانی کورد لە ئێران هەم بە هۆی ناسنامەی نەتەوەیی و هەم بە هۆی ڕەگەزییەوە ڕووبەڕووی ستەم و چەوسانەوە دەبنەوە.