ناوەندی هەواڵ

 

شەپۆلەکانی هاودەنگی بەردەوامن بۆ نێرگس محەمەدی، چالاکوان کە بۆ ناڕەزایەتی دەربڕین بە مەرجەکانی دەستبەسەرکردنی دەستی بە مانگرتن لە خواردن کردووە، لەو چوارچێوەیەدا چالاکوانانی دیاری مافی ژنان و ژنانی زیندانیانی سیاسی پەیامی پشتیوانییان ناردووە و جەختیان لەسەر یەکگرتوویی خەباتی ژنان لە دژی ستەم کردووەتەوە.

 

سیاسەتمەداری کورد لەیلا گوڤەن پەیامێکی ئاراستەی نێرگس محەمەدی، چالاکوانی مافی ژنان و خاوەنی خەڵاتی نۆبڵی ئاشتی نارد و هاوسۆزی خۆی لەگەڵ مانگرتنەکەی دەربڕی، لە پەیامەکەدا کە بە ناوی زیندانیانی سیاسی کورد نووسراوە، تێکۆشانی ژنانی ڕۆژهەڵاتی کوردستان و ئێران بەرز نرخاندووە و جەختی لەسەر گرنگی خۆڕاگری بەکۆمەڵ لە ژێر دروشمی "ژن، ژیان، ئازادی" کردووەتەوە.

 

لە پەیامەکەدا هاتووە: ئەوانەی بەرەنگاری دەبنەوە بە ژیانی خۆیان پردی بەرخۆدان دروست دەکەن و لەسەر ئەو پردانە، منداڵ و ژن و تەواوی گەلان بە گۆرانی ئازادی بەرەو داهاتووی خۆیان ڕێپێوان دەکەن، خوشکی ئازیزمان نێرگس محەمەدی، وەک لە ڕۆژنامەگەرییەوە فێربووین، ئێوە لە ناڕەزایەتییەکن بەرامبەر بەو نادادپەروەرییەی کە تووشی بوون، دەستتان کردووە بە مانگرتن لە خواردن، ئێمەش وەک ئەو ژنانەی کە باوەڕی پتەوی بە فەلسەفەی "ژن، ژیان، ئازادی" هەیە، پێش هەموو کەسێک دەنگی ئێوەمان بیست.

 

ئێمە وەک زیندانیانی سیاسی کورد، سڵاو و خۆشەویستی و هاوسۆزی خۆمان بۆ ئێوە و هەموو ژنانی خۆڕاگری ڕۆژهەڵاتی کوردستان و ئێران دەنێرین، ئێمەی ژنانی ڕۆژهەڵاتی ناوەڕاست ئێمە پرسیار لە هۆکارەکانی ئەو ئازارانە دەکەین کە بەرگەی دەگرین، چۆن خاکە کۆنەکانمان کە شایەتحاڵی لەدایکبوونی مرۆڤایەتی و گەشەسەندنی کۆمەڵایەتی بوون، بوون بە خاکی پڕ لە کوشتن؟ گەلی ڕۆژهەڵاتی کوردستان و ئێران خاوەنی پەیکەری ڕۆشنبیرییەکی قووڵی ڕەگداکوتاوە، کە بەلووچ و ئێزیدی و کورد و فارس و چەندین کەسی دیکەی لەخۆ گرتووە، وەک بیروباوەڕ و زمان و کولتوور و ناسنامەکانیان، بە پشتبەستن بە ڕەگ و ڕیشە و فەلسەفەی زەردەشتییان، هەزاران ساڵە توانیویانە پێکەوە بژین، لەم قۆناغەدا جوگرافیای ئێمە بۆتە شتێکی جیانەکراوە.

 

ئێمە بە دڵنیاییەوە دەزانین کە توندوتیژی دژی ژنان دیاردەیەکی جیهانییە، بەقەد خودی شارستانیەت کۆنە، نەک نوێنوێ نییە، لەو ڕۆژەوەی یاسا دەوڵەتی و نێودەوڵەتییەکان هێرشیان کردە سەر پەرستنی خوداوەندی دایک، ئەم یاسایانە بەردەوام سیستەمی پیاوسالارییان پاراستووە، ئێمە دەزانین کە زلهێزە باڵادەستەکان لە زیرەکی ژن دەترسن و هەر بۆیە بە هەر ڕێگایەکی دڵنیای هەوڵی بێدەنگکردنمان دەدەن. هەر لەبەر ئەمەشە سزای دەیان ساڵ زیندانی بۆ هەریەکێکمان دەسەپێنن، ئامانجیان ترساندنی ژنان و قەتیسکردنیانە لە خێزان کە یەکەیەکی بچووکی دەوڵەتە، بەڵام لەگەڵ ئەوەشدا بەدرێژایی مێژوو، ژنان هەرگیز بەدەستەوەنادەن، سەرەڕای هەموو ئەو ئاستەنگانەی کە سیستەمی پیاوسالاری لەسەر ڕێگایان داناوە، جا چ بە پێشەنگایەتیکردنی ژنان بۆ لای گیلۆتین، ڕۆیشتن بۆ هەڵواسین، فڕێدانیان بۆ ناو گۆزە، ڕووبەڕووبوونەوەی جەلاد یان ستەمکار، بازدان لە بەردەکانەوە، یان فڕێدانیان بۆ ناو زیندانەکان، بە سەری بەرز و نیوچەوانیان دیارە بەڕێگایدا دەڕۆیشتن.

 

لە ڕۆژهەڵاتی کووردستان و ئێراندا حیجابەکەی ژینا ئەمینی هێمای شۆڕشی ژنانە و لە ڕۆژئاوای کوردستان و ئێران، کورد عەقڵیەتێکی پیاوسالاری تاریکی ئاشکرا کرد و بوو بە هێمای یەکگرتوویی گەلەکەی، ئێمەی ژنانی ڕۆژهەڵاتی ناوەڕاست، بە ڕوونی ڕایدەگەیەنین: کە لە دەستە ئارداویەکانمان و عەقڵی داهێنەرمان و دڵە بوێر و یەکگرتووەکانمان بترسن، دوێنێ هەموومان لەیلا قاسم و شیرین عەلام هۆلی و ساکینە جانسز و ئارین میرکان بووین و ئەمڕۆش هەموومان نێرگس محەمەدیین، دەبێت بزانیت ئازیزم، خۆڕاگری تۆ بەرخۆدانی ئێمەیە، خەباتی تۆش خەباتی ئێمەیە، ژن نەتەوەیەکە لە سەرانسەری جیهاندا، بەڵێ ئێمە نەتەوەی ژنین، نیوەی کۆمەڵگە و نیوەی جیهانین، ئێمە ڕۆژهەڵاتی کوردستان و ئێران و تەواوی ناوچەی میزۆپۆتامیا دەکەینە دیموکراتیک و ژینگەدۆست و ڕزگاریخوازی ژنان، بە ڕێنمایی عەقڵ و ویژدان و دادپەروەری ژنان، هیوادارم ئێوە و هەموو ژنانی ئێران گوێبیستی هاواری "ژن، ژیان، ئازادی" بن کە ئێمە لە زیندانەکانی تورکیاوە هاوار دەکەین، هەمیشە دەڵێین دڵمان بە دڵی ئێوە لێدەدات.

 

زەینەب کرمان کە ٢٠ ساڵ لە زینداندایە لە تەنیشتمەوە بەسەر بردووە، هەروەها ئاواتەخوازە بەم قسانە سڵاوی خۆی بنێرێت: ئازادی هەمیشە ئاوازی ئەو کەسانەیە کە لە جیهانی بەرخۆداندا دەژین، تۆ نێرگسی ئازیزم، نۆتێکی جوانی لەم ئاوازەدا لەگەڵ بەرخۆدانەکانت، تێکۆشەرانی بەرخۆدان بە سڵاوەکانیان پردی بەرخۆدان دروست دەکەن، لەسەر ئەم پردە، منداڵان، ژن و خەڵک بە پێ دەڕۆن بەرەو داهاتوویان بە گۆرانی ئازادی، ویستمان بگەینە ئێوە، تەنانەت بەم پەیامە کورتە، سڵاو بۆ هەموو ئەو ژنانە بنێرین کە بەرەنگاری سیستەمی پیاوسالاری دەبنەوە.