لەبەردەم کەناڵی بی بی سی وێنەی گوڵستان و هێرۆ بەرز کرایەوە
لە بەردەم کەناڵی بی بی سی لە لەندەنی پایتەختی بەریتانیا، لە دژی هێرشی دەوڵەتی داگیرکەری تورک بۆ سەر ئۆتۆمبێلی کۆمپانیای چەترو گیان لەدەستدانی ڕۆژنامەنووسان گوڵستان تاراو هێرۆ بەهادین، گردبوونەوە کرا.
ناوەندی هەواڵ
بە دەستپێشخەریی ئەنجومەنی گەلی کورد، تەڤگەری لاوانی شۆڕشگێڕ و ژنانی جیهانی لە بەریتانیا، کوردستانیان و ڕۆژنامەنووسانی لەندەن، لە دژی هێرشی دەوڵەتی داگیرکەری تورک بۆ سەر ئۆتۆمبێلی کۆمپانیای چەتر و گیان لەدەستدانی ڕۆژنامەنووسان گوڵستان تاراو هێرۆ بەهادین،گردبوونەوەیەکیان لەبەردەم کەناڵی بی بی سی ئەنجامدا.
بەشداربووان وێنەی "گوڵستان تارا و هێرۆ بەهادین"ـیان بەرز کردەوە و دروشمی "بی بی سی کۆتایی بە بێدەنگی بهێنە، مەبە بەشێک لە فاشیزم"ـیان وتەوە.
لە گردبوونەوەکەدا وتارێک لەسەر ناوی کارمەندانی ڕۆژنامەگەریی لە لەندەن پیشکەشکرا و ئیدانەی هێرشی دەوڵەتی داگیرکەری تورک و ڕژێمی فاشیستی ئاکەپە-مەهەپە بۆ سەر ڕۆژنامەنووسانی ڕاگەیاندنی ئازاد کرا، هەروەها جەختیش کرایەوە، خەونەکانی گوڵستان تارا و هێرۆ بەهادین بۆ ژیانێکی ئازاد بە زیندوویی بهێڵنەوە.
لە وتارەکەدا، ڕەخنە لە بی بی سی گیرا، بەهۆی پشتگوێخستنی هێرشەکانی دەوڵەتی داگیرکەری تورک کە ڕۆژنامەنووسانی کردە ئامانج و ڕاگەیاندرا، شاردنەوەی ئەم هێرشە نامرۆڤانەی دەوڵەتی تورکیا لە خەڵک و پشتگوێخستنیان لە هیچ ئەخلاقێکدا جێ ناگرێت، شەرمەزاربە و فاشیزم ببینە.
دوای وتارەکان، بەشداربووان لە بەردەم باڵەخانەی بی بی سی ناڕەزایەتی دانیشتنیان ئەنجامدا، دروشمی "شەهید نامرێت، نا بۆ کوشتن و تیرۆرکردنی ڕۆژنامەنووسان، دەوڵەتی تورک تیرۆریستە" وتەوە و دوای دوو کاتژمێر کۆتایی بە چالاکییە هات .