ناوەندی هەواڵ

 

لاورا کۆرادی، کۆمەڵناس و ئیکۆفێمینیست سەبارەت بە بابەتەکانی ئازادیی ژنان، توندوتیژی بۆ سەر ژنان، پارادایمی ئازادیی ژنان کە لەلایەن ڕێبەر ئاپۆوە پەرەی پێدراوە، قسەی بۆ ئاژانسی هەواڵی فورات کردو ئاماژەی بەوەکرد کە بە بۆنەی ئەوەی ٢٥ـی تشرینی دووەم وەکو ڕۆژی بەرەنگاربوونەوەی توندوتیژی دژی ژنان دیاریکراوە، لە مژاری توندوتیژی بۆ سەر ژناندا هۆشیارییەکی زیاتر هەیە.  

 

لاورا وتی: هێشتا توندوتیژی بە زۆر شێواز هەیە. توندوتیژیی ناو خێزان، توندوتیژیی سێکسی، توندوتیژیی جەستەیی و توندوتیژیی دەروونی. زۆرێک لە ژنانیش لەلایەن خۆشەویستە کۆنەکانیانەوە دەکوژرێن. واتا لە ڕاستیدا زۆر شت هەیە کە هێشتا نەگۆڕاوە. لە ڕووی سیاسییەوە هۆشیاری زیادی کردووە بەڵام هێشتا لە هەموو بارودۆخ و ژینگەیەکی سیاسی، کۆمەڵایەتی، شوێنی کار، قوتابخانە و هەموو شوێنێک، ژنان لەژێر هەڕەشەی ڕووبەڕووبوونەوەی توندوتیژیدان.

 

دواتر پ. لاورا کۆرادی تیشکی خستە سەر کایگەرییەکانی شەڕ و میلیتاریزم "سەربازیخوازی-سوپاخوازی" ئاماژەی بەوە کرد کە لەناو شەڕدا توندوتیژی لەسەر ژنان زیاتر دەبێت. گوتی کە لە شەڕدا هەموو جۆرەکانی توندوتیژی زیاددەکەن، بەڵام بەتایبەتی توندوتیژی بۆ سەر ژنان زیاددەکات. 

 

'ئۆجالان هاوکاریی تیۆریی فێمینیست دەکات' 

لە درێژەی قسەکانیدا ئاماژەی بە سەرنجەکانی ڕێبەر ئاپۆ کرد سەبارەت بە ئازادیی ژنان و وتی: خەبات و نووسینەکانی عەبدوڵا ئۆجالان بەر لە زیندانیکردنی و خەباتەکانی لە زیندانیش کە ئەوە نزیکەی ٢٥ ساڵە هاوکارییەکی گەورە پێشکەشدەکات بۆ شیکردنەوەی بەکۆیلەکردنی ژنان. باس لەوە دەکات کە ئەمە لە کوێوە هاتووە و لە قۆناغە دیاریکراوەکانی مێژوودا ژنان بۆچی کراونەتە کۆیلە. هەروەها تیۆری سۆسیۆلۆژیای ئازادیی ئۆجالان، ئازادیی ژنان وەکو خاڵی دەستپێک لەخۆدەگرێت.سەرەڕای ئەوەی زۆرێک لە شۆرشگێڕان ئازادیی ژنانیان خستووەتە کۆتایی شۆڕشەوە، عەبدوڵا ئۆجالان ئازادیی ژنان دەخاتە دەستپێکی پرۆسەی شۆڕشەوە. عەبدوڵا ئۆجالان دەڕوانێتە مێژوو و بە شێوەیەکی ئاشکرا ڕایدەگەیەنێت کە کاتێک دەمانەوێت کێشەکان چارەسەر بکەین، پێویستە یەکەم کێشە کە چارەسەری دەکەین کێشەی ژن بێت. بە گوێرەی بۆچوونی عەبدوڵا ئۆجالان ئازادی کۆمەڵگە بە ئازادیی ژن دێتەدی. ئەمەش زۆر گرنگ و سەرنجڕاکێشە. لەبەرئەوە لە چوارچێوەی تیۆری فێمینیستدا هاوکارییەکی زۆری کردووە و بۆ ئەم مەبەستە پێویستە سوپاسی عەبدوڵا ئۆجالان بکەین.

 

'ژنانی کورد پێشەنگایەتی لە تێکۆشانی فێمینیست دەکەن' 

کۆمەڵناس و ئیکۆفێمینیست پ. لاورا کۆرادی ڕایگەیاند کە ژنانی کورد لە سەرانسەری جیهان پێشەنگایەتی لە تەڤگەری فێمینیست دەکەن و خۆپاراستن وەکو ڕوحێکی کۆلێکتیڤ(تەعاونی-هەرەوەزی)ـی ژیان دەبینن. 

 

وتیشی: پێویستە لەنێوان ژناندا سەرلەنوێ متمانە دروستبکرێت. متمانە، متمانەبەخۆبوون، خۆڕێکخستن و خۆپاراستن... ئەمە تەنها بە ژیانێکی ئازاد دەتوانێت سەربکەوێت. تەنها بە پراکتیکی دەتوانرێت جیابەجێ بکرێت؛ نەک بە تیۆری، قسە و نووسراو. گوندی ژنوار لە ڕۆژئاوام بیردێتەوە؛ ئەو شوێنەی کە تێیدا ژنان دەرفەتی بەتەنها ژیانکردنیان هەیە... بە ڕای من هەموو ئەو پێشکەوتنانە سەرچاوەکەی لەو هێزە گەورەیەوە دێت کە عەبدوڵا ئۆجالان داویەتی بە ژنان.

 

'ئۆجالان گرنگییەکی زۆری بە حەقیقەت داوە' 

پ. لاورا کۆرادی لە کۆتایی قسەکانیدا وتی، هیوا ڕەنجی زۆری دەوێت. من لە زانکۆ دەرسدەڵێمەوە و لە هەمان کاتدا چالاکوانم. سەبارەت بە ئازادی وانەدەڵێمەوە، سەبارەت بە حەقیقەت وانەدەڵێمەوە؛ لەبەرئەوەی بەڕاستی حەقیقەت زۆر گرنگە. عەبدوڵا ئۆجالانیش زۆر گرنگی بە حەقیقەت دەدات. ئەگەر خۆمان نەگەیەنینە حەقیقەت و حەقیقەت نەڵێین، سەرناکەوین. هەربۆیە هیوا بەستراوەتەوە بە تێکۆشانەوە.