سوەیدا

 

گەڕەکی شێخ مەقسود و ئەشرەفیە لە شاری حەلەب ڕاستەوخۆ بە چەکی قورس لەلایەن گروپە جیهادییەکانی هەتەشەوە دەکرێنە ئامانج، کە لە ئەنجامدا زیانی گیانی و کۆچکردنی خەڵکی مەدەنی لێدەکەوێتەوە، هەروەها ڕێکخراوەکانی مافی مرۆڤ و ژنان ئەم هێرشانە بە پێشێلکردنی ئاشکرای مافی دانیشتووان بۆ ژیانێکی سەلامەت و کەرامەتی مرۆڤ دەزانن.

 

ڕێکخراوەکانی مافی مرۆڤ و پلاتفۆرمەکانی ژنان لە شاری سوەیدای سووریا یەکگرتوو بوون و بە توندی شەرمەزاری ئەو هێرشانەیان کرد ڕاستەوخۆی هاوڵاتیانی مەدەنی لە گەڕەکەکانی شێخ مەقسود و ئەشرەفیەی حەلەب بە چەکی قورس دەکەنە ئامانج، کە لە ئەنجامدا زیانی گیانی و کۆچکردنی بەکۆمەڵی لێکەوتۆتەوە لە نێوان میدیا گوماناوییەکان و بێدەنگی نێودەوڵەتیدا، هەروەها ئەو ڕاگەیاندراوەی کە بڵاوکراونەتەوە لە یەک کاتدا هاتوونەتە بەرجەستەکردنی هەڵوێستێکی یەکگرتوو کە توندوتیژی و تیرۆر ڕەتدەکاتەوە و مافی خەڵک بۆ ژیانێکی سەلامەت و کەرامەتی مرۆیی دووپاتدەکاتەوە.

 

''پێشێلکردنی یاسای مرۆیی نێودەوڵەتی''

لیژنەی باڵای یاسایی لە شاری سوەیدا، ئەمڕۆ ٩ی کانوونی دووەم، ڕاگەیەندراوێکی بڵاوکردەوە و نیگەرانی و شەرمەزارکردنی خۆی دەربڕی بەرامبەر بەو ڕووداوانەی  کە لە گەڕەکی شێخ مەقسود و ئەشرەفیە ڕوودەدەن، جەختیشی لەوە کردەوە کە ئەو پێشێلکاریانەی کە کاریگەرییان لەسەر ناوچە نیشتەجێبووە دانیشتووەکان هەبووە، بووەتە هۆی بڵاوبوونەوەی ترس و دڵەڕاوکێ لەنێو دانیشتووانەکەدا، ئەمەش پێشێلکارییەکی ڕوونی پاراستنی هاوڵاتیانی مەدەنی لە کاتی شەڕەکاندا نیشان دەدات.

 

لە ڕاگەیەندراوەکەدا جەخت لەوە کراوەتەوە، کە ئەوەی ڕوودەدات پێشێلکارییەکی ئاشکرای یاسای مرۆیی نێودەوڵەتییە، لایەنە بەرپرسیارەکانیشی لە ڕووی یاسایی و ئەخلاقیەوە بە تەواوی بەرپرسیار کردووە لەم کارانە، هەروەها شەرمەزاری توندی خۆی بۆ هەموو جۆرەکانی بە ئامانجگرتن و پێشێلکارییەکانی دژی خەڵکی مەدەنی ڕاگەیاند، لەگەڵ ڕەتکردنەوەی پۆلێنبەندیی خۆی لە بەشداریکردنی هەر کۆمەڵگەیەکی مەدەنی لە هەر ململانێیەکی سەربازی یان پەرەسەندنێکی مەیدانیدا.

 

لیژنەکە لە ڕاگەیەندراوەکەدا پاڵپشتی تەواوی خۆی بۆ هاوڵاتیانی مەدەنی لە گەڕەکە زیانلێکەوتووەکان دووپاتکردەوە، ئەمە جگە لەوەی پابەندە بەو ڕێککەوتنەی لە ١٠ی ئادار واژۆکراوە و ڕاگرتنی هەر کارێکی پەرەسەندن کە مەترسی لەسەر ئاشتی مەدەنی دروست بکات.

 

لە ڕاگەیەندراوەکەدا داوا لە ڕێکخراوە ناوخۆیی و نێودەوڵەتییەکانی مافی مرۆڤ و مرۆیی کراوە، پێشێلکارییەکان بە دیکۆمێنت بکەن و لێپرسینەوە لە بەرپرسەکان بکەن، جەختیشی لەوە کردەوە کە پاراستنی هاووڵاتیانی مەدەنی پرسێک نییە بۆ گفتوگۆ یان سازان، بەڵکو پاڵبەندێکی یاسایی و ئەخلاقی پتەوە، هەروەها هەر پێشێلکارییەک لەو ئەرکە لە ژێر پرسیار و لێپرسینەوە دەمێنێتەوە.

 

''کۆچکردنی ژنان و منداڵان برینێکی مرۆیی کراوەیە''

"کۆمەڵەی ژنان بۆ هۆشیاری و بەهێزکردن" دڵتەنگی خۆیان بە بینینی دیمەنی توندوتیژی وکۆچکردنی زۆرەملێ دەربڕی، هەروەها ئاوارەبوونی ئەو ژنان و منداڵانەیان وەسفکرد کە هەڵگری هەمان تایبەتمەندی و هەمان ترس و هەمان نائومێدین، وەک نائومێدی ئەو سوورییانەی کە ماڵەکانیان بەجێدەهێڵن بۆ بۆشایییەکی وێرانە کە ئاماژەیە بۆ گەمارۆدان و کوشتن و برسێتی.

 

کۆمەڵەکە جەختی لەوە کردووەتەوە، کە کۆچکردن هیچ ڕەهەندێکی مرۆیی نییە و گروپە جیاوازەکان بەرەو ڕێگایەکی تاریک و بێکۆتایی دەبات، ئاماژەی بەوەشکردووە، "زۆرێک لە ناوچەکانی سووریا، لە کەناراوەکانی حەمسەوە تا سوەیدا و حەلەب، هێشتا بەدەست برینەکانەوە دەناڵێنن"، بۆیە داوای کۆتاییهێنان بە خوێنڕشتن و ساڕێژبوونی ئازارەکان دەکەن، هەروەها جەختی لەوەشکردووەتەوە کە داواکارییە بنەڕەتییەکەی گەرەنتیکردنی ژیانێکی سەلامەت و هەڵکەندراوە بۆ هەموو سووریاییەکان.

 

''ڕووبەڕووبوونەوەی تیرۆر بە دەنگی ڕاستی''

نووسینگەی ژنان لە سوەید ڕاگەیاندراوێکی بڵاوکردەوە و تیایدا پەرەسەندنی توندوتیژی و هێرشەکان بە چەکی قورس بۆ سەر شێخ مەقسود و ئەشرەفیە شەرمەزار کرد و جەختی لەوە کردەوە، کە ئەم هێرشانە بووە هۆی کوشتن و بریندارکردنی دەیان کەسی مەدەنی لە نێوان بێدەنگیی میدیایی و نێودەوڵەتیدا، بە لەبەرچاوگرتنی ئەوەی کە بە ئامانجگرتنی گەڕەکەکان پێشێلکارییەکی ڕوونی یاسای مرۆیی نێودەوڵەتییە و بێ گوێدانە هەموو پەیماننامە نێودەوڵەتییەکان و ڕێککەوتنەکان کە گەرەنتی سەلامەتی هاوڵاتیانی مەدەنی دەکەن.

 

"ئێمە بە هاودەنگی لەگەڵ کەرامەتی مرۆڤدا دەوەستینەوە"

لای خۆیەوە ڕێکخراوی دروزی جیهانی، شەرمەزاری ئەو هێرشانەی کرد کە بە چەکی قورس دەکرێتە سەر گەڕەکەکانی شێخ مەقسود و ئەشرەفیە، کە لە  ئەنجامدا ژمارەیەک هاوڵاتی مەدەنی کوژران ، هەروەها  ئاماژەی بەوەشکرد، دیمەنەکە ستەمی مرۆڤایەتی لە نێوان میدیا گوماناوییەکان و بێدەنگی نێودەوڵەتیدا سەبارەت بەم پێشێلکارییە دووبارەبووانە دەگرێتەوە.

 

لە ڕاگەیاندراوەکەدا ڕێکخراوەکە پاڵپشتی خۆی بۆ خەڵکی شێخ مەقسود و ئەشرەفیە دووپات کردەوە، بەڵێنیدا وەک دەنگێک بۆ حەقیقەت و بەرگریکار لە کەرامەتی مرۆڤایەتی و ڕەتکەرەوەی هەموو جۆرە تیرۆر و توندوتیژییەک بمێنێتەوە.