ناوەندی هەواڵ

 

بەیانی ئەمڕۆ لە گوندی ساتی سەر بە شارەدێی قەرەهەنجیر لە سنووری پارێزگای کەرکوک، ژنێک بە چەکی تاپڕ کوژرا.

 

بەپێی زانیارییەکانی سەرچاوەیەکی ئاگادار لە ناوچەکە، ژنەکە تەمەنی ٣٩ ساڵە و دایکی چەند منداڵێکە، دوای دەستپێکردنی لێکۆڵینەوە سەرەتاییەکانی هێزە ئەمنییەکان، دەرکەوتووە کە ڕووداوەکە لەلایەن هاوژینەکەیەوە ئەنجامدراوە.

 

لایەنە پەیوەندیدارەکان دەستیان بە لێکۆڵینەوەی وردتر کردووە بۆ ئاشکراکردنی هۆکار و پاشخانی ڕووداوەکە.