ناوەندی هەواڵ

 

دوێنێ کۆنگرەی تەنەوەیی کوردستان-کەنەکە لە ڕۆژئاوا، دیالۆگێکی بە دروشمی "بە یەکێتیی نەتەوەیی، داگیرکاریی تێکدەشكێنین و ڕێگری لە شەڕی ناوخۆ دەکەین" ڕێکخست تێیدا حزبە کوردییەکانی ڕۆژئاوای کوردستان، باکوور و ڕۆژهەڵاتی سوریا، کۆمەڵە کلتورییەکان، ڕێکخراوەکانی کۆمەڵگای مەدەنی، کەسایەتیی ئاینی، کەسایەتیی نیشتمانی و سەرۆك هۆزە کوردەکان ئامادەبوون، جگە لە ئەنەکە و پەدەکەسە کە ئامادەییان دەرنەبڕی لە بەشداریکردن، سەرەڕای بانگهێشت کردنیان.

 

دوای تەواوبوونی دیالۆگەکە، وەک ئەنجام بە چەند بڕیارێک کۆتایی بە دیالۆگەکە هات، کە تێیدا هاتبوو:

-پێویستە هەموو ئاستەنگەکانی بەردەم دیالۆگی کورد و کورد لاببرێن .

-هۆکارەکەی هەرچییەک بێت، شەڕی کورد لەگەڵ کورد حەرم بكرێت.

-بۆئەوەی شکست بە داگیرکاری بهێنرێت و دەستێوەردانەکانی تورکیا لە کاروباری ناوخۆی کوردستان بوەستێنرێن، پێویستە پێگەی گشتیی کوردستان، بەهێز بکرێت.

– پێویستە ڕێکكەوتنەکانی کورد و کورد جێبەجێ بکرێن، بەتایبەتی ڕێککەوتنی ساڵی ١٩٨٢ بۆ ڕێگریکردن لە شەڕی کورد و کورد.

– داوا لە لایەنە کوردستانییەکان دەکەین، هەڵمەتی میدیایی لە دژی یەكتر ڕابگرن.

– دەبێت هەموو ناكۆكییەك بە دیالۆگ چارەسەر بکرێت .

-بۆ پاراستنی گەلی كورد، بانگ لە برایان لە پەدەكە دەکەین، کە هێزی خۆیان نەنێرنە ناوچەكانی شەڕ.

– بۆ پاراستنی دەستکەوتەكانی گەلی کورد، پێویستە بە زووترین کات کۆنگرەی نەتەوەیی کوردستان ببەسترێت.

لە کۆتایشدا بڕێاردرا کە  کەنەکە-ڕۆژئاوا، شاندێك پێکبهێنێت بۆئەوەی پەیامەكانی وۆركشۆپی دیالۆگ بگەیەنێت بە هەمووو لایەنەكان.

 

ت.پ