حەسەکە

 

بە دروشمی "پێکەوە بۆ ئەو هەمەچەشنییەی کە یەکێتیمان بەهێز دەکات و هاوبەشییەک کە داهاتوومان بونیاد دەنێت"، "کۆنفرانسی یەک هەڵوێست بۆ پێکهاتەکانی باکوور و ڕۆژهەڵاتی سووریا" دەستیپێکرد.

 

زیاتر لە ٤٠٠ نوێنەری کورد، عەرەب، سریانی، ئەرمەنی، ئاشووری، ئێزدی، تورکمان و چەرکەسی بە جلوبەرگی فۆلکلۆری خۆیانەوە بەشدارییان لە کۆنفرانسەکەدا کرد. کۆنفرانسەکە لە هۆڵی کولتووری و هونەری خوێران بەڕێوەدەچێت.

 

لە سەرەتای کۆنفرانسەکەدا وتارەکان لەلایەن خۆبەڕێوەبەری دیموکراتیکی کانتۆنی جزیرە، ڤیڤیان باهۆ ئۆسی، هاوسەرۆکی کانتۆنی جزیرەو ئیلهام ئەحمەد، هاوسەرۆکی بەشی پەیوەندییەکانی دەرەوەی باکوور و ڕۆژهەڵاتی سووریا و لەیلا قەهرەمان، هاوسەرۆکی ئەنجومەنی سووریای دیموکراتیک و ئەمینە عومەر بەناوی ئەنجومەنی ژنانی باکوور و ڕۆژهەڵاتی سووریا کرایەوە.

 

لە کۆنفرانسەکەدا تاوتوێی ئەو ڕەشنووسە دەکرێت کە لەلایەن لیژنەی ئامادەکارییەوە ئامادەکراوە و بە ڕاپۆرتێک کۆتایی پێدێت.

 

لیژنەی ئامادەکاری کە لە ٢٠ کەس پێکهاتبوو لە شارە جیاوازەکانی ناوچەکە، لە مانگی حوزەیرانەوە وەک دەستپێشخەرییەکی کۆمەڵایەتی پێکهاتەکانی باکوور و ڕۆژهەڵاتی سووریا کۆدەبوونەوە و دەستیان کردبوو بە ئامادەکاری بۆ کۆنفرانسەکە.