ژنانی شەنگال بۆ ڕۆژی جیهانی ژنان خۆیان ئامادە دەکەن
یەکێتی ژنانی گەنجی شنگال بە هاوکاری شارەوانی گەل، دەستییان بە ئامادەکارییەکانی چالاکییەکانی ڕۆژی جیهانی ژنان کرد
![](https://jinhaagency1.com/uploads/so/articles/2024/03/20240303-bf342f8c-9c35-47c5-8827-9bb9582b4dc5-1-jpgd41389-image.jpg)
ناوەندی هەواڵ
یەکێتی ژنانی گەنجی شنگال بە هاوکاری شارەوانی گەل، دەستییان بە ئامادەکارییەکانی چالاکییەکانی ڕۆژی جیهانی ژنان لە سنونێ و خانەسۆر کرد، بۆ ئەو مەبەستەش لە سەر ڕێگا و شوێنە گشتییەکان پانکارت، ئاڵای تاژێ، یەژەشە و پۆستەری ژنانی پێشەنگیان لە سنونێ و خانەسۆر هەڵواسی و بانگهێشتنامەیان بەسەر خەڵکدا دابەش کرد.
لەسەر ئاڵاکان درووشمەکانی 'بە فەلسەفەی ژن-ژیان-ئازادیی، تۆڵەی ٧٤ کۆمەڵکووژی سەر ئێزدییەکان دەکەینەوە' و 'ژنانی ئازاد بناغەی کۆمەڵگەیەکی دیموکرات و ئازادن' نووسرا بوو، جگە لەوەش بانگهێشتی خەڵکی دەکرا بۆ ئەو ڕێپێوانەی بە نیازن لە ڕۆژی ٦ی ئاداردا ئەنجامی بدەن.