ناوەندی هەواڵ

 

لە شارەکانی دراگوینان و مۆنتیپلێر لە فەرەنسا، هێرشە لەشکرکێشییەکانی دەوڵەتی تورک بۆ سەر باکوور و ڕۆژهەڵاتی سوریا شەرمەزار کرا.

 

دراگوینگنان

لە شاری دراگویگنان بە پێشەنگایەتی ئەنجومەنی گەلی کورد و تەڤگەری گەنجانی شۆڕشگێڕ "TCŞ" ڕێپێوانێک بەڕێوەچوو.

 

لەگەڵ کوردستانییەکان، نوێنەرانی یەکێتی ئیکۆلۆژیستەکان و دیموکراتیکەکان "UDE"، پارتی ناسیۆنالیستی فەرەنسی "FI"، حزبی شیوعی فەرەنسا "PCF"، کۆنفیدراسیۆنی کارە گشتیەکانی فەرەنسا "CGT" و هەماهەنگی کۆمەڵەکان بۆ  مافی کۆنتڕۆڵکردنی لەدایکبوون و لەباربردنی منداڵ بەشدارییان لە چالاکییەکەدا کرد.

 

بە ناوی ئەنجومەنی گەلی کورد لێدوانێک درا و ڕاگەیەندرا کە هێرش دەکرێتە سەر ئیرادەی گەلی کورد و شۆڕشی ڕۆژئاوا و مێژوو دەریخستووە کە فاشیزم بە بەرخۆدانی ڕێکخراوەی گەل تێکدەشکێت،  ئێستا نۆرەی ئێمەیە ئەم ئەرکە مێژووییە بەجێبهێنین.

 

لە میانی ڕێپێوانەکەدا دروشمی "بژی بەرخۆدانی ڕۆژئاوا"، "بژی سەرۆک ئاپۆ" و "بژی کوردستان" بەرزکرانەوە.

 

مۆنتیپلێر

لە شاری مۆنتیپلێرگردبوونەوەیەک لە دژی هێرشەکانی سەر ڕۆژئاوا بەڕێوەچوو، کوردەکان لەگەڵ دۆستە فەڕەنسییەکان ڕایانگەیاند کە لەگەڵ شۆڕشی ڕۆژئاوادان و لە بەرامبەر کردەوەکانی دەوڵەتی تورک و چەتەکانی سەر بە دەوڵەتی تورکیا بێدەنگ نابن، هێرشەکە بە شێوەیەکی سەرەکی دژی شۆڕشی ژنان و ژیانی پێکەوەیی گەلە.

 

بێدەنگی هێزە نێودەوڵەتییەکان بەرامبەر بە هێرشەکان ئیدانە کرا و بانگەوازی بەشداریکردن لە شۆڕشی ڕۆژئاوا کرا.