سۆرگوڵ شێخۆ

 

عامودا-ڕێبەری گەلی کورد عەبدوڵا ئۆجالان لە ساڵانی ١٩٨٠ یەکەم تۆوی ڕێکخراوی گەلی کوردی لە ڕۆژئاوای کوردستان چاند و ئەم تۆوانەی ئاودا و بڵاوبوونەوە لەگەڵ گەشەی ژنان و خێزانە نیشتمانپەروەرەکان، بەدیا محەمەد سلێمانی تەمەن ٦٧ ساڵ، کە لەو کاتەدا خەباتی پاسەوانی دەکرد دەربارەی کارەکانی ڕێبەر عەبدوڵا ئۆجالان لە کانتۆنی جزیرە لە باکوور و ڕۆژهەڵاتی سووریا قسەی کرد.

 

 بەدیا دایکی شەهید عەلی و خوشکی شەهید خورشیدە کە لە ساڵی ١٩٨٠ چوونە پاڵ کاروانی نەمران.

 

"بۆتانی بچووک بۆ هەموو شتێک و لە هەموو کاتێکدا ئامادەبوو"

بەدیا محەمەد سلێمان، دەربارەی خەباتی بۆ ڕێبەر ئۆجالان لە گوندی بۆتانی بچووک ، وتی: گوندی سینجیقە خەلیل ئەکادیمیای پارتی بوو، بۆ ئەوەی ڕێگری لە ڕژێمی بەعس بکات لە هێرشکردنە سەر ئەو ماڵانەی کە کۆبوونەوە و پەروەردەیان تێدا ڕێکدەخرا، ژنان شەو و ڕۆژ پاسەوانییان دەکرد، کاتێک دەنگی ڕێبەر هات و گوێمان لێ دەگرت، ئەو هەمیشە سڵاوی لە بۆتانی بچووک یان سینجیقە خەلیل دەکرد، سینجیقە خەلیل بۆ هەموو شتێک و لە هەموو کاتێکدا ئامادە بوو، گوندێکی بچووک بەڵام یەکگرتوو خاوەندارێتییەکی نائاسایی لە منداڵان و هەتا خەڵکی بەتەمەن بۆ پارتەکە هەبوو، ئێمەی ژنان زۆر شتمان کردووە لێرە و هێشتا بەردەوام دەبین، ئۆجالان لێره دا تۆوی ئازادی پرژاند و بناغه ی شۆڕشی ئەمڕۆی دامەزراندووه .

 

"دۆخی ژنانی کورد پێشتر وەک ماڵ و ئامێری منداڵ دروستکردن بوو"

بەدیا محەمەد سلێمان ڕایگەیاند، هەتا ئەو کاتەی بیری ڕێبەر ئۆجالانیان ناسی، ژنانی کورد هیچ شتێکی جیاوازیان لە چێشتخانەکە زیاتر نەدەدەزانی و وتی: نەماندەزانی سیاسەت چییە، تەنها چەپڵەمان بۆ ئەو لایەنانەی سەر بە ماڵی بارزانی بوو لیدەدا، نەماندەزانی ئامانجەکانی حزبەکانیان، هێڵەکان، ئەرکەکانی ژنان چین،  تا ئەو کاتەی پارتی کرێکارانی کوردستان بە فەرمی ڕاگەیەندرا. بارودۆخی ژنانی کورد پێش ناسینی ڕێبەر ئاپۆ تەنها کاری ماڵ و هێنانی منداڵ بوو،  بەڵام لە هەمان کاتدا ڕێبەر ئاپۆ سەریهەڵدا و بووە هۆی گۆڕینی بارودۆخی ژنانی کورد.

 

زیندووکردنەوەی زمان

بەدیا محەمەد سلێمان دەربارەی زمانی کوردی لە سەردەمی ڕژێمی بەعسدا وتی: ئەگەر ڕێبەر ئاپۆ نەبووایە، زمانی کوردی نەدەبوو، لەبەر ئەوەی بە قسەکردن بە زمانی دایکی قەدەغەبوو، کوردەکانی ئەو سەردەمە بە عەرەبی قسەیان دەکرد، بەشێکییش لەبەر ئەوەی هەوڵیان دەدا زمانی کوردی بپارێزن، لەو ڕۆژانەدا، بە پەرۆش بووین بۆ خوێندنگەیەک، پەرتووکێک، ڕستەیەک، و وشەیەکی کرمانجی، کاتێک منداڵەکانمان چوونە لای سوپا و قسەیان لەگەڵ دەکردین، سەربازەکانی حکومەت بە چەکەوە لە پشتیانەوە ڕاوەستابوون بۆ ئەوەی بە کوردی قسەمان لەگەڵ نەکەن، ئەو ئاستەی ئەمڕۆ هەرێم پێی گەیشتووە هەمووی خەباتی ڕێبەر ئۆجالانە.

 

"دەستگیرکردنەکەی لافاو بوو، دڵی گەل وەک گڕکان بوو"

بەدیا محەمەد سلێمان پیلانگێڕییەکەی بەبیرهێنایەوە و وتی: ڕێبەر ئاپۆ چی بونیاد نا و چی نەکرد! ئەمە بە وتن ناوترێت، کردارەکانی هەر وشەیەک ئاشکرا دەکات کە دەیڵێت، هیچ کەسێک چالاکی گیانفیدایی ۆ سەرۆکەکەی نەکرد، بەڵام کچ و کوڕی کورد ئەوەیان کرد. دەستگیرکردنی ڕێبەر ئاپۆ لافاوێک بوو بۆ خەڵک، دڵی گەل وەک گڕکان بوو چوونە مەیدانەکان و چالاکی کاریگەریان لەو وڵاتانەدا ئەنجام داوە کە دەستیان لە پیلانگێڕی نێودەوڵەتیدا هەبووە.

 

"ئازادی جەستەیی ئۆجالان چارەسەری سیاسی بۆ شەڕی سەربازی دەهێنێت"

بەدیا محەمەد سلێمان لە کۆتایی قسەکانیدا وتی: ئازادی جەستەیی ڕێبەر ئۆجالان چارەسەرێکە بۆ قەیران و شەڕی ئێستای جیهان، ئەوەندەی بۆ کوردەکان بەسوود بوو، بۆ وڵاتانی دەرەوەش بەهەمان شێوەبوو، ئەگەر دەستگیرنەکرایە ئەمڕۆ لە ئۆکرانیا و فەلەستین و کوردستان شەڕ و کوشتن نەدەبوو، ڕێبەر تاکتیکی و ستراتیژی بوو. ئەگەر ئەمڕۆ ڕێبەر ئاپۆ ئازاد بکرێت، ئەوا ئەردۆغان ئەوە وەک مەترسییەک بۆ خۆی دەبینێت، ڕێبەرەکەمان لە جیاتی ئەوەی بگەڕێتەوە بۆ جەنگ، ئەردۆغان دەهێنێتە سەر مێزەکە و چارەسەری سیاسی دەدۆزێتەوە لە جیاتی جەنگی سەربازی، بۆیە پێویستە گەلی کورد لە کوردستان و هەموو گەلانی سەر ئاستی هەرێمایەتی و نێودەوڵەتی بۆ ئازادی جەستەیی ڕێبەر ئاپۆ تێبکۆشن و فشار بخەنە سەر دەوڵەتی تورک بۆ چاوپێکەوتن لەگەڵ بنەماڵەو  پارێزەرانی.