لافاوەکەی ئەندەنوسیا زیانی گیانی لێکەوتەوە
لە ئەنجامی لافاو و ڕۆچوونی زەوی لە هەرێمی سولاوێسی باشوورى ئەندەنوسیا ١٤ کەس گیانیان لە دەستدا و زیاتر لە هەزار و ٨٠٠ ماڵ زیانی ماددییان بەرکەوتووە.
ناوەندی هەواڵ
میکسیانۆس بیکاپێل سەرۆکی دەستەی فریاکەوتنی ئەندەنووسیا سەبارەت بە گیان لە دەستدانی ١٤ کەس لە هەرێمی سولاوێسی باشووری وڵاتەکەیان ڕاگەیانداروێکی بڵاوکردەوە.
میکسیانۆس بیکاپێل ڕایگەیاندووە، بەیانی ئەمڕۆ لە ئەنجامی لافاو و ڕۆچوونی زەوی لە هەرێمی سولاوێسی باشوورى وڵاتەکەیان ١٤ کەس گیانیان لە دەستدا، ئاماژەی بەوەشکرد، زیاتر لە هەزار و ٨٠٠ ماڵ زیانی ماددیان بەرکەوتووە و کاریگەری هەبووە.
لە ئێستادا زیاتر لە هەزاران هاوڵاتی گواستراونەتەوە بۆ دەرەوەی ناوچەی زیان لێکەوتوو.