هەڵەبجە

 

پاشنیوەڕۆی دوێنێ لە شاری هەڵەبجە بە دروشمی "هەموو ڕۆژێکمان بۆ جگەرگۆشەکانمانە" فێستیڤاڵی ئۆپەرێتی گۆرانی و هەڵەپەرکێ بۆ منداڵانی هەڵەبجە ساز کرا.

 

فێستیڤاڵەکە لەلایەن بەشی منداڵانی بەڕێوەبەرایەتی گشتی ڕۆشنبیری و هونەری شاری هەڵەبجە ڕێکخرا، لەنجە حەمەئەمین، بەرپرسی بەشی منداڵان لە بەڕێوەبەرایەتییەکە وتی: بەشی منداڵان وەک نەریتێکی ساڵانە هەموو ساڵێک لە دوای کۆتایی هاتنی وەرزی خوێندن ئاهەنگێک بۆ منداڵان ساز دەکات، تا بتوانن کاتێکی خۆش بەسەر ببەن و سوودیان پێبگەیەنن.

 

لە کۆتایدا لەنجە حەمەئەمین وتی: ئەگەر دەرفەتەکان زیاتر بگونجێت، کار و چالاکییەکانمان چڕتر دەکەینەوە و خزمەتی زیاتر بە منداڵانی شارەکە دەکەین.

 

فێستیڤاڵی منداڵان بە یاری و گۆرانی و دڵخۆشی منداڵان کۆتایی پێهات.