ناوەندی هەواڵ

 

ئەمڕۆ، لە ئەنجامی ڕووداوێکی هاتووچۆ لە شەقامی بەغدا لە پارێزگای بەسرە، ٢٠ خوێندکار گیانیان لەدەستدا.

 

ڕووداوەکە لەسەر ڕێگای بەسرە بە دی قەر و میسانەوە ڕوویداوە و دانیشتووان ڕایانگەیاندووە، ئەو شەقامە نزیکەی ساڵێک لەمەوبەر نۆژەن کراوەتەوە و هێمای هاتوچۆی بۆ دانەنراوە، بووەتە ڕێگایەکی مەترسیدار.

 

ئۆتۆمبێلەکە تانکەرێک بووە و بەسەر ژمارەیەک خوێندکارانی خوێندنگەی زەینەبی بنەڕەتی کوڕان لە حەرتە لە بەسرە کەوتووە و ئەگەری هەیە ژمارەکە بەرزبێتەوە لەگەڵ برینداربوونی چەندین خوێندکاری دیکە، لێکۆڵینەوە سەرەتاییەکان دەریانخستووە کە خێرایی شۆفێرەکە هۆکاری ڕووداوەکە بووە .