ناوەندی هەواڵ

 

 فیلمی "ژیان لە نێوان خوداوەندەکاندا" چیرۆکێکی مرۆیی جوڵاو دەگێڕێتەوە کە باس لە ژنێکی گەنجی ئەفغانی دەکات کە وەک کۆچبەرێک لەگەڵ هاوژینەکەی و سێ منداڵەکەی دەگاتە سربیا، ڕووبەڕووی ڕاستیەکی دڵتەزێن دەبێتەوە کاتێک بۆی دەردەکەوێت کە برا بچووکەکەی بە ناوی عەلی خنکاوە و لە گۆڕێکی بێ نیشانەدا نێژراوە، چیرۆکەکە ڕۆحی کارەساتی کلاسیکی یۆنانی "ئەنتیگۆن" لە ژینگەیەکی هاوچەرخدا بیردەهێنێتەوە.

 

سییەمین فێستیڤاڵی نێودەوڵەتی فیلمی ڕەبات لە مەغریب کۆتایی هات و خەڵاتی باشترین ئەکتەری ژن بە فریشتە حسێنی درا، بەهۆی ڕۆڵی لە فیلمی "ژیان لە نێوان خوداوەندەکاندا"ی سربی-کرواتی-ئیتاڵی، لە دەرهێنانی ڤوک ڕاسومۆڤیچ کۆتایی هات.

 

فیلمی "ژیان لە نێوان خوداوەندەکاندا" چیرۆکی کاریگەرانەی فریشتە، ژنێکی گەنجی ئەفغانی دەگێڕێتەوە کە وەک کۆچبەرێک لەگەڵ هاوژینەکەی ڕەزا و سێ منداڵەکەیان دەگاتە سربیا، هەر زوو بۆی دەردەکەوێت کە برا بچووکەکەی بە ناوی عەلی کە چەند هەفتەیەک پێشتر گەیشتە ئەوێ، خنکا و لە گۆڕێکی بێ نیشانەدا بە خاک سپێردرا، لە بەرامبەر ئەم ڕاستیە سەختەدا، فریشتە بڕیار دەدات لە بلغراد بمێنێتەوە بۆ ئەوەی براکەی بە شێوەیەکی دروست بە خاک بسپێردرێت، بەڵام ئەم بڕیارە دەیخاتە ناو زنجیرەیەکی درێژخایەنی ئاڵۆزی بیرۆکراتی کە تەنانەت باوکی دەگرێتەوە کە تا ئێستاش لە ئەفغانستان نیشتەجێیە.

 

سیناریۆی فیلمەکە لەلایەن ڤوک ڕومۆڤیچ، دەرهێنەر بە هاوکاری میمیر تۆردزانیچ نووسراوە، فیلمەکە لێکدانەوەی سەردەمیانەی چیرۆکی کلاسیکی ئەنتیگۆنە، کە ململانێی نێوان ئەرکی مرۆڤ و یاسا فەرمییەکان لە چوارچێوەیەکی هاوچەرخدا نیشان دەدات.

 

جگە لە فریشتە حسێنی کە ڕۆڵی سەرەکی دەگێڕێت، لەم فیلمەدا ڕەزا ئەخلاغی، برانکا کاتیتش و نیکۆلا ڕیسانۆڤیش ڕۆڵی سەرەکی دەگێڕن، هەروەها کۆمپانیاکانی بەرهەمهێنان لە ئیتاڵیا و کرواتیا هاوکارییان لەگەڵ سربیا کرد لە پڕۆژەکەدا.

 

فریشتە حوسێنی پێشتر لە چەندین فێستیڤاڵی نێودەوڵەتیدا خەڵاتی باشترین ئەکتەری بۆ هەمان فیلم بەدەست هێنابوو، لەوانە فێستیڤاڵی فیلمی پولا لە کرواتیا، فێستیڤاڵی فیلمی ئۆترانتۆ لە ڕۆما، فێستیڤاڵی فیلمی یۆرۆ بەلقان لە ئیتاڵیا و فێستیڤاڵی فیلمی هۆنگ کۆنگ لایتس، ئەمەش ڕەنگدانەوەی دەستخۆشییەکی بەرچاوی نێودەوڵەتییە بۆ ڕۆڵگێڕانەکەی.

 

دوو فیلمی ئێرانی بە ناوەکانی "پلانی کۆتایی" و "بێ مۆڵەت" کە هەردووکیان لە دەرهێنانی حەسەن نازر لە فێستیڤاڵی نێودەوڵەتی فیلم نمایش کران، هەروەها ئیلاهە نوبخەت، سینەماکاری ئێرانی لە دەستەی دادوەری ئەم بەشەدا بەشداری کرد و ئامادەیییەکی بەرچاوی ئێرانی بۆ ڕووداوەکانی فێستیڤاڵەکە زیاد کرد.

 

فێرشتە حسێنی، ئەکتەری ژنی گەنجی ئەفغانی – ئێرانییە لەم ساڵانەی دواییدا وەک یەکێک لە دیارترین کەسایەتییە سینەماییەکانی ناوچەکە دەرکەوتووە و بەهرەی لەگەڵ توانای وێناکردنی کارەکتەرە قووڵەکانی مرۆڤایەتی تێکەڵ کردووە.